1, 2. 1) ¿Toni kiixpejpenak kichiuas Moisés keman kipiaya 40 xiujmej? (Xikonita taixkopin ipeujyan tamachtilis.) 2) ¿Keyej Moisés kiixpejpenak tajyouis iuan ixolal Dios?

MOISÉS kimatia toni ueliskia kiselis ompa Egipto. Kiitaya uejueyi kalmej tein kipiayaj akin tominpiayaj, uan yejua kiselijkaj kemej tekonetsin ichan tekiuaj. “Moisés kimachtijtiyajke miak tataman tamachilis ten ueliaj in egipcios”, tein kijtosneki ke xa momachtij tein onkak iluikak, ijkon kemej tapoualis tein kitekitiltiaj keman kichiuaj miak taman tein ouij, momachtij keniuj kichijchiuaskej uejueyi kalmej, tein momachtiaj tamatinij uan okseki uejueyi nemachtilmej (Hech. 7:22). Yejua ueliskia kipias miak tomin, chikaualis uan tanauatil, seki taman tein okseki egipcios amo ueliaj kipiayaj.

² Maski ijkon, keman kipiaya 40 xiujmej kiixpejpenak kichiuas se taman tein tekiuaj uan ichankauan xa semi kimoujkaitakej. Amo sayoj kiixpejpenak nemis kemej oksekin egipcios, ta kiixpejpenak tajyouis iniuan takeualmej. ¿Keyej? Porin kipiaya takuaujtamatilis (xikonixtajtolti Hebreos 11:24-26). Kemej Moisés takuaujtamatia, amo sayoj kiitak tein ueliskia kipias ompa Egipto, ta takuaujtamatik iuan Jiova akin “amo kitstinemik”, uan kiyekneltokak ke yejuatsin kichiuas tein motenkauak (Heb. 11:27).

4. ¿Toni kiitak Moisés ika yolpakilis tein kiualkui tajtakol?

⁴ Kemej Moisés takuaujtamatia, kiitak ke yolpakilis tein kiualkui tajtakol amo uejkaua. Oksekin xa kinemilijkej okse taman. ¿Keyej? Se taman, porin kiitakej ke ompa Egipto, maski kintelueyichiuayaj tiotsitsin uan kitekitiltiayaj naualot, mochiujka se ueyi taltikpaktekiuajyot, uan itekitikauan Jiova sayoj katkaj takeualmej. Sayoj ke Moisés kimatia ke Dios ueliskia kipatas nejon. Akin sayoj kitayekanaltiayaj inintanejnekilis moitaya ke kuali yetoyaj, sayoj ke Moisés takuaujtamatia ke akin amo yolkualmej ixpoliuiskiaj. Yejua ika, amo “kiyolnejnekik mopakiltijtinemis tech in tajtakolnemilis ten uejkauas sayo para seki tonalme”.

5. ¿Toni techpaleuis maj amo ‘tikyolnejnekikan timopakiltijtinemiskej tech in tajtakolnemilis’ tein amo uejkauas?

⁵ ¿Toni techpaleuis maj amo ‘tikyolnejnekikan timopakiltijtinemiskej tech in tajtakolnemilis’ tein amo uejkauas? Maj tikelnamikikan ke yolpakilis tein kiualkui tajtakol amo uejkaua. Ika takuaujtamatilis, maj tikitakan ke “tajtakolnemilis tantiu ya iuan nochi nijin tanejnekilis” (1 Juan 2:15-17). Maj tiknemilikan toni kinpanos tajtakouanij akin amo moyolnonotsaj; moajsij “kampa taalaujkan” uan tel amo kuali tein kinpanoti (Sal. 73:18, 19). Keman tiknejnekiskej titajtakoskej, maj timotajtanikan: “¿Toni nikneki nikpanos satepan?”.