Kampa monankilia netajtanilmej

◼ ¿Kanachi tiempo moneki tikmachtiskej aksa tein kichiua kemej momachtia?

Semi kuali maj tiksentokakan tikmachtikan aksa tein kichiua kemej momachtia hasta keman tamis amaix ¿Toni yekmelauj tamachtia Biblia? uan “Xiksentokakan itech inetasojtalis Dios”. Uan nejin moneki mochiuas maski momachtijkej moauij achto ke timatamiskej ome amaixmej. Satepan ke moauis, uelis tiksentokaskej tikpouaskej tiempo, takalpanolis uan nemachtil. Komo se tanojnotskej touan moajsi uan no tajtoua itech nemachtil, no uelis kipouas itiempo (xikonita Nuestro Ministerio del Reino marzo de 2009, página 2).

Motelneki maj yankuikej kipiakan chikauak imin takuaujtamatilis achto ke tiktamiltiskej nemachtil imiuan. Moneki maj ‘monaluayojkuikan’ itech Cristo uan maj ‘amo aken kiyololini de imin takuaujtamatilis’, porin sayoj ijkon uelis kiixnamikiskej kuejmolmej tein kipiaskej (Col. 2:6, 7; 2 Tim. 3:12; 1 Ped. 5:8, 9). Uan no, moneki ajsitok ‘kasijkamatiskej in melauak Tajtoltsin de Dios’ porin ijkon uelis tamachtiskej kemej moneki (1 Tim. 2:4). Komo timotamimachtiaj ome amaixmej imiuan momachtianij, tikinpaleuijtoskej maj senkis kitalikan itech imin yolo nejnemiskej itech “ojti kampa [...] ajsitiuej tech ne yek nemilis” (Mat. 7:14).

Achto ke tayekananij kiiluiskej se momachtijkej ke uelisya moauis, moneki kiyekitaskej ox kuali kiajsikamati tamachtilis tein tayekantok itech Biblia uan monejnemiltijtok kemej momachtia. Uan okachiok moneki kiyekitaskej komo ayamo matami yekinika amaix. Komo aksa ayamo uelis moauis, tayekananij kiitaskej maj kiseli nepaleuil tein monekis uan ijkon uelis kichiuas satepan (xikonita ‘Xiyakan, xikinchiuakan nomomachtijkauan uan xikinauikan’, páginas 57 a 60).

[Tajtolmej itech página 2]

Motelneki maj yankuikej kipiakan chikauak imin takuaujtamatilis