Tein ika tajtoua Biblia
Jiova kinchijchiuak Adán uan Eva maj uelikan nemikan nochipaya itech Xochital. Satanás kimouispoloj itokay Jiova uan taomeyolotij ox kinamiki maj taixyekana. Adán uan Eva no taixnamikkej kemej Amokuali, uan ijkon kinpanoltilijkej tajtakol uan mikilis nochin imin koneuan
Dios kijtoj toni tatsakuiltilis kiseliskiaj taixnamikinij uan motenkauak ke se Tekoneuj oso Temakixtijkej kiixpolos Satanás, uan kitamis nochi taman tein amo kuali tein kiualkuitok taixnamikilis uan tajtakol
Dios motenkauak iuan Abrahán uan David ke itech yejuan ualeujtoskia Tekoneuj oso Mesías tein tekiuajtiskia nochipaya
Jiova kichiuak maj tanauatianij kijtouanij ke Mesías kitamis tajtakol uan mikilis, uan eski Tekiuaj itech iTekiuajyo Dios. Yejua tekiuajtis imiuan oksekin taltikpakneminij, uan sen olochmej kitamiskej neteuilis, kokolis uan mikilis
Jiova kiteixmatiltij Jesús kemej Mesías. Kiualtitanik nikan taltikpak maj kitetapouiki iTekiuajyo Dios uan maj kitemakaki inemilis iminka taltikpakneminij. Keman kimiktijkej Jesús, Jiova oksepa kimakak nemilis kemej se espíritu
Dios kimakak tanauatil Cristo kemej Tekiuaj ne iluikak, uan ijkuakya peuak itamian tonalmej nochi tein mochiujtok nikan taltikpak. Jesús kiixyekana tanojnotsalis ika iTekiuajyo Dios itech nochi taltikpak
Jiova kinauatis iKonetsin maj peua ualtaixyekana nikan taltikpak. Nejin iTekiuajyo Dios kiixpolos taltikpak tekiuajyomej, oksepa kiualkuis Xochital uan kichiuas maj tatakamatinij oksepa kipiakan nemilis tein amo kipia tajtakol. Amo sepaok motaomeyolotis ox kinamiki Jiova maj taixyekana, uan itokay nochipaya eski chipauak