tejuan amo tikitaskej. Se neskayot, komo tikpiaj se ouijkayot uan tikchiuaj netataujtil iuan, xa amo techijkuanilis, ta sayoj techmakas chikaualis maj titaxikokan (xikonixtajtolti 2 Timoteo 4:17).

20. Kemej tikpiaj nejon tatiochiualis, ¿keyej moneki maj nochipa tikchiuakan netataujtil?

²⁰ Semi tiktasojkamatiliaj Dios, akin kichijchiuak nochi tein onkak, maj amo uejka moajsi touan akin tiknotsaj keman tikchiuaj netataujtil kemej kineki (xikonixtajtolti Salmo 145:18). Kemej tikpiaj nejon tatiochiualis, maj nochipa tikchiuakan netataujtil. Komo ijkon tikchiuaj, tiyolpakiskej tikmatiskej ke okachi uelis timotokiskej iuan Jiova, akin kikaki netataujtil.

1. ¿Keyej tajtanik takat ueyichiujkej akin kayot Etiopía maj kiauianij?

SE UEYICHIUJKEJ akin tekitia itech kaltekiuaj tein moajsia Etiopía, kijtoj: “Nikan ongak at. ¿Xe amo uelis ma xinechaui tech nijin at?”. Se imomachtijkauj Cristo itokay Felipe, yekin kinextilijka itech Biblia, ke Jesús katka Mesías akin moijtojka ualaskia. Tein kikakik ajsik itech iyolo uan yejua ika tajtanik maj kiauianij (Hechos 8:26-36).

2. ¿Keyej moneki tikonnemilisya tionmoauis?

² Komo tionmomachtijya ika nejmachkayot okseki capítulos tein kipia nejin amaix, iuan se itaixpantijkauj Jiova, xa no tikonmachilia uelisya tiontajtanis: ‘¿Xe ayamo uelis maj nechauikan?’. Tejuatsin tionmomachtijya ke Biblia motenkaua, akin tatakamatij nemiskej nochipaya itech Xochital (Lucas 23:43, TNM; Apocalipsis 21:3, 4). No tikonmatikya keniuj yekmelauj moajsij mikemej uan neajokuilis tein tikchiaj (Eclesiastés 9:5; Juan 5:28, 29). Xa tionmonechikojtokya iniuan itaixpantijkauan Jiova, uan tikonitakya ke yejuan kiueyichiuaj Dios kemej kiuelita (Juan 13:35). Uan tein okachi kuali, xa peuakya kuali tionmouika iuan Jiova Dios.

3. 1) ¿Toni tanauatil Jesús kinmakak itatojtokakauan? 2) ¿Keniuj mochiua neauilis kemej Cristo kinextij?

³ ¿Keniuj uelis tikonnextis ke tikonneki tikontekitilis Dios? Jesús kinnauatij itatojtokakauan: “Xiyakan [...] uan xikinnextilikan nochi in taltikpakuani [...] ma mochiuakan nomomachtijkauan. Uan xikinauijtinemikan” (Mateo 28:19). Jesús techkauilij neskayot, ta no moauij, sayoj ke amo kikuaatekijkej (Mateo 3:16). Tajtol griego tein mokepa kemej neauilis kijtosneki “senkis kikalakiaj itech at”. Yejua ika, akin kiauiaj kemej Cristo kinextij, nochi kipankalakiaj itech at.

4. ¿Toni se kinextia keman se moauia?

⁴ Nochin akin kinekij kuali mouikaskej iuan Jiova moneki moauiskej. Keman timoauiaj, tiknextiaj sentaixpan ke tiknekij tiktekitiliskej Dios uan techyolpaktia tikchiuaskej itanejnekilis (Salmo 40:7, 8). Axkan, achtopa ke uelis se moauis, moneki se kichiuas seki taman.

MONEKI TAIXMATILIS UAN TAKUAUJTAMATILIS

5. 1) ¿Toni yekinika taman moneki se kichiuas uan ijkon uelis se moauis? 2) ¿Keyej motelneki maj se youi itech ininnechikoluan akin kichiuaj kemej Cristo?

⁵ Tejuatsin peuakya tikonchiua yekinika taman. ¿Katiyejua nejin? Tikonixmatis Jiova Dios uan Jesucristo, xa ika nemachtil ika Biblia tein tikonselijtok (xikonixtajtolti Juan 17:3). Uan amo sayoj yejua,