• Tanauatianij kitematiltiayaj itajtoluan Dios
    Biblia, ¿toni ika tajtoua?
    • Se itanauatijkauj Dios kitematiltia se taman

      TAXELOL 14

      Tanauatianij kitematiltiayaj itajtoluan Dios

      Jiova kinixtalij tanauatianij tein tanejmachtiskiaj uan ika tajtoskiaj taueyichiualis tein melauak uan Mesías

      KEMAN moajsiaj tekiuanij ompa Israel uan Judá, yetoyaj takamej tein moixmatkej kemej tanauatianij. Nochin monekik kipiaskej ueyi yolchikaualis uan takuaujtamatilis tein kinpaleuiskia maj kitematiltianij itajtoluan Dios. Maj tikitakan seki taman tein ika tajtojkej.

      1. Kiixpoloskiaj Jerusalén. Itanauatijkauan Dios —okachiok Isaías uan Jeremías⁠— tel miak xiujmej achtook kijtojkej ke Jerusalén ixpoliuiskia uan mokauaskia taseltijkan. Uan no, ika tajtolmej tein tetanemililtij, kijtojkej keyej tein ompa nemiaj kikualantijkej Jiova. Maski kijtouayaj ke katkaj itekitikauan, moitaya ke amo melauak porin kinueyichiuayaj tiotsitsin, kichiuayaj tein amo kuali ika tomin uan tel tateuiayaj (2 Reyes 21:​10-​15; Isaías 3:​1-8, 16-​26; Jeremías 2:1–​3:​13).

      2. Oksepa sayoj Jiova kiueyichiuaskiaj. Keman israelitas kiajxitiskiaj 70 xiujmej ompa Babilonia, oksepa mokepaskiaj itech imin tal, kiyekachijchiuaskiaj templo uan oksepa sayoj Jiova kiueyichiuaskiaj (Jeremías 46:​27; Amós 9:​13-15). Kemej 200 xiujmej achto, Isaías kijtoj ke se takat tein motokaytiskia Ciro, kiteuiskia Babilonia uan kitaniskia, uan kinmakixtiskia israelitas. Uan no kijtoj keniuj kichiuaskia (Isaías 44:​24–​45:3).

      Judíos akin kinuikakaj Babilonia mokepaj Jerusalén

      3. Ualaskia Mesías uan kinextijkej toni kipanoskia. Mesías yoliskia Belén (Miqueas 5:2). Amo kinextiskia ke katka ueyichiujkej uan kalakiskia Jerusalén ipanko sayoj se asno (Zacarías 9:9). Maski kintasojtaskia taltikpakneminij uan kinikneliskia, miakej kiixtopeuaskiaj (Isaías 42:1-3; 53:​1, 3). Uan no kiteltajyouiltiskiaj keman kimiktiskiaj. ¿Ompa tamiskia inemilis Mesías? Amo, ta moajokuiskia, uan ne iluikak kimaktiliskia Dios ipatiuj inemilis tein kitemakaskia, uan ijkon yejuatsin kintapojpoluiskia imin tajtakoluan taltikpakneminij (Isaías 53:​4, 5, 9-​12).

      4. Tekiuajyot tein moajsiskia imako Mesías. Taltikpak tajtakouanij amo uelij taixyekanaj. Sayoj ke Tekiuaj Mesías kemaj ueli. Uan motokaytiskia Tayekankej tein kiualkui Yekyetolis (Isaías 9:​6, 7; Jeremías 10:​23). Keman ualtaixyekantos nikan taltikpak, nochin taltikpakneminij kualtsin senemiskej imiuan tapialmej (Isaías 11:​3-7). Amo onkas nion se taman kokolis (Isaías 33:​24). Amo onkasok mikilis (Isaías 25:8). Uan no, tel miakej tein momikilijkejya oksepa nemiskej (Daniel 12:​13).

      ​(Motaksaltia itech amaixmej Isaías, Jeremías, Daniel, Amós, Miqueas uan Zacarías.)