TAXELOL 9

¿Kemanian mochiuas taltikpak se xochital?

Kuejmolmej tein onkak axkan kinextiaj ke nejon Tekiuajyot amo uejkaua tekitis (Lucas 21:10, 11; 2 Timoteo 3:1-5)

Seki taman tein mochiujtok itech itamian tonalmej: neauiltilis ika tomin, neteuilismej, kokolismej, mayanti, amo kintakamatij inintatuan uan kinteuiaj ininkalyetouanij

Ne uejkauj, Biblia kijtoj ke onkaskia kuejmolmej tein axkan tikitaj. Kinextij ke konemej amo tatakamatiskiaj uan oksekin eskiaj tel amo yolkualmej uan sayoj kitelnekiskiaj tomin uan okseki taman tein ika moyolpaktiskiaj.

No moijtoj ke onkaskia uejueyi talolinilis, neteuilis, mayanti uan miak kokolismej. Nochi nejon mochiujtok axkan.

Se itaixpantijkauj Jiova kitapouia se takat kuali tanauatilmej ika iTekiuajyo Dios

Jesús kijtoj ke noyampa motetapouiskia iTekiuajyo Dios (Mateo 24:14).

ITekiuajyo Dios kiixpolos nochi tein amo kuali (2 Pedro 3:13)

Kinixpolouaj akin amo yolkualmej itech Armagedón uan satepan kitatsakuiltiaj Satanás uan iamokuali ejekauan

Amo uejkaua Jiova kinixpolos tein amo yolkualmej.

Satanás uan iamokuali ejekauan kintatsakuiltiskej.

Jesús motalia kampa taixyekana ompa iluikak; taltikpakneminij akin tataman ixtamatij yolpakij

Tein kitakamatiskej Dios nemiskej itech taltikpak kampa nochin kipiaskej netasojtalis, yolseuilis, melaujkayot uan amo akin moujkanemis. Nochin takuaujtamatiskej se iuan okse.