TAXELOL 1

¿Keniuj tikakij Dios?

Keman tikixtajtoltiaj Biblia kemej eskia Dios technojnotsa (2 Timoteo 3:16)

Itech iluikak kampa Dios taixyekana, yejuatsin kichiua maj takamej kijkuilokan Biblia

Itanemililuan Dios moajsij itech iTajtoltsin, Biblia. Yejuatsin kichiuak maj seki takamej kijkuilouanij. Nejin amatajkuilol kijtoua miak taman tein motelneki uan Dios kineki maj tikmatikan.

Dios kipia okachi ueyi tamatilis, yejika kimati keniuj tikseliskej tein kuali. Komo tikakij, techpaleuis maj kuali titaixejekokan (Proverbios 1:5).

Biblia moajsi itech miak tataman tajtolmej; se takat kiixtajtoltijtok Biblia itech itajtol

Yejuatsin kineki maj tinochin tikixtajtoltikan Biblia. Yejika ijkuiliujtokya itech miak tataman tajtolmej.

Komo tiknekij tikakiskej Dios, moneki tikixtajtoltiskej Biblia uan kuali tikajsikamatiskej.

Noyampa taltikpak miakej kikaktokej Dios (Mateo 28:19)

Se itaixpantijkauj Jiova kiixtajtoltilia se texto se takat uan satepan iuan momachtia Biblia

Itaixpantijkauan Jiova uelis mitsonpaleuiskej xikonajsikamati tein tamachtia Biblia.

Yejuan noyampa tamachtiaj tein melauak kijtoua Dios.

Se nechikol tein mochiua itech Kali kampa Mosentiliaj itaixpantijkauan Jiova

Uelis okachi tikonmatis tein kijtoua Dios, komo tionyoui nechikolmej tein kipiaj itaixpantijkauan Jiova. Nejon tamachtilis amo moixtaua.