Maj tinentinemikan itech itanauatil Jiova

Tinentinemiskej itech itanauatil Jiova kijtosneki se kitakamatis ika miak pakilis itaixyekanalis. Itech Biblia tikajsij ininneskayo miakej itekitikauan Jiova akin kitakamatkej uan takuaujtamatkej iuan, ijkon kemej kichiuak akin kijkuiloj Salmo.

Komo yekmelauj tiknekij tiyolpakiskej, moneki tinentinemiskej itech itanauatil Dios

119:1-8

Josué senkis takuaujtamatik itech itaixyekanalis Jiova. Kimatia ke sayoj yolpakiskia uan kuali kisaskia nochi tein kichiuaskia, komo takuaujtamatia iuan Jiova ika nochi iyolo.

ITajtol Dios techyolchikaua uan nejon techpaleuia maj tikixnamikikan ouijkayomej

119:33-40

Jeremías katka yolchikauak uan takuaujtamatik iuan Jiova keman kipanok ouijkayomej. Nemik ika amo miak taman uan kichiuak tein Jiova kinauatijka.

Tamachtilis ajsitok tein kipia iTajtol Dios techpaleuia maj amo tiomeyolouakan keman titanojnotsaj

119:41-48

Pablo amo mouia kinnojnotsas nochin ika iTajtol Dios. Keman kinojnotsak ika yolchikaualis tekiuaj Félix, senkis takuaujtamatik ke Jiova kipaleuiskia.

¿Kani okachi ueliskia niknextis ke amo niomeyoloua nitanojnotsas?

• Kampa nimomachtia

• Kampa nitekiti

• Iniuan nokalyetouanij

• Okseko