¿Keyej tikonpatiuita taueyichiualis tein chipauak?

Templo tein kiitak Ezequiel kinyolchikauak judíos akin kinuikakaj okseko porin senkis kinmatiltij ke oksepa moajsiskia taueyichiualis tein chipauak. Itech nejin itamian tonalmej, taueyichiualis tein chipauak “moneki nochipaya [...] moajsis, okachi ajko ke ininkuapan tepemej”, uan tejuan tiyajtokej ompa iniuan miakej akin seseko kayomej (Isa 2:2). ¿Nochipa tiontanemilia itech tatiochiualis tein tikonpia tikonixmatis uan tikontekitilis Jiova?

¿TONI TATIOCHIUALISMEJ TIKSELIAJ ITECH TAUEYICHIUALIS TEIN CHIPAUAK?

• 

  Jiova techmaka miak tamachtilis tein iuan techtokia tein kinankilia netajtanilmej tein motelnekij, techyolmajxitiaj uan techpaleuiaj maj tikchiakan tein kuali (Isa 48:17, 18; 65:13; Ro 15:4).

• Tikinpiaskej tokniuan semanauak taltikpak akin tetasojtaj (Sl 133:1; Jn 13:35).

• Tikpiaskej tatiochiualis titekitiskej iuan Dios itech se tekit tein techyolpaktia (Hch 20:35; 1Co 3:9).

• Tikseliskej iyolseuilis Dios tein techyolchikaua keman tikpiaj ouijkayomej (Flp 4:6, 7).

• Tikpiaskej se tanemilil chipauak (2Ti 1:3).

• Se kuali uikalis iuan Jiova (Sl 25:14).

¿Keniuj uelis niknextis ke nikpatiuita taueyichiualis tein chipauak?