Maj timochikauakan amo tiuetsiskej nion maj tikinuetsiltikan oksekin

Jesús kikuik neskayomej uan ika tamachtij keyej tel amo kuali komo tikauaj maj teisa techuetsilti oso komo tikchiuaj maj oksekin uetsikan.

18:6, 7

• Tajtol “motepotamis” oso uetsis kijtosneki tein kichiua oso tein kipanoua aksa tein kiuika maj yejua oso okse aksa kichiua tein amo kuali oso maj uetsi itech tajtakol.

• Okachi kuali yeskia maj se mokechilpili se tet tein ika motakuechoua uan maj se mopantamota itech ueyiat achto ke se kiuetsiltis aksa.

18:8, 9, TNM

• Jesús kiniluij imomachtijkauan maj mokixtilikan se taman tein kitelpia ipatiuj kemej ininmay oso ininixtololo komo nejon kichiuaya maj uetsikan.

• Okachi kuali maj se kipolo se taman kemej nejon uan maj se kalaki itech iTekiuajyo Dios uan amo maj se kitemo se kisentokas se kipias uan se tamis itech Gehena, tein kiixnextia ixpoliuilis nochipaya.

¿Toni ueliskia nechuetsiltis uan keniuj uelis nikchiuas maj amo niuetsi oso maj amo nikinuetsilti oksekin?