Xikonkui tein takuaujtamach itech motamachtilis

Lucas 1:3

TEIN MONEKI TIKONCHIUAS: Xikonkui tamachtilis tein takuaujtamach uan ijkon xikonpaleui akin mitsonkakij maj kiajsikamatikan ke taixejekol tein tikonijtoua.

KENIUJ TIKONCHIUAS:

• Xikonita maj takuaujtamach tein ika tikonpaleuia tamachtilis. Xikonita maj tein tikonijtos kisa itech iTajtol Dios uan xikonixtajtolti textos nochipa keman uelis. Komo ika tiontajtoua teisa tein kiajsinij tamatinij, se tanauatil, se neskayot oso okse taman, xikonita maj takuaujtamach uan maj yankuixtok kisani.

• Xikonita maj kuali kinamiki tein ika tikonpaleuia tamachtilis. Keman tikonmelauas se texto, xikonita toni kineki tamachtis Jiova itech nejon versículo, keniuj mouika ika nochi tein kijtoua Biblia uan iuan amaixmej tein kikixtia “takeual takuaujtamach uan tamatkej” (Mat. 24:45, TNM). Komo tein tikonijtoua amo mokixtia itech tein kikixtiani inechikol Jiova, amo xikonpata tein ompa kijtoua.

• Xikontanemililti akin mitsonkaktokej. Satepan ke tikonixtajtoltis se texto oso tikonijtos okse taman tein ika tikonpaleuis tamachtilis, xikonchiua netajtanilmej ika nejmachkayot oso xikonijto se neskayot tein tapaleuis maj kiajsikamatikan tamachtilis.