NEKUIKATIL 106
Maj tiknextikan yekmelauj netasojtalis
Tein moamakixtia
1. Akin kemej Cristo kichiua
nochipa tein kuali kinextia.
Sayoj ke okachi moneki
maj kinexti netasojtalis.
Uelis miak taman nikixmatis
uan semi nitakuaujtamatis,
sayoj ke amo nechpaleuis
komo amo nitetasojta.
2. Akin yekmelauj tetasojta,
nochipa tetapojpoluia;
uan amo keman yolijsiui,
ta kitemoua tapaleuis.
Oksekin kuali kinselia,
tein melauak kipaleuia.
Tataman kuejmolmej kixikos,
netasojtalis kipaleuis.
(No xikonita Juan 21:17; 1 Cor. 13:13; Gál. 6:2.)