TAMACHTILIS 28
Xikonnexti ke tikonpatiuita tein Jiova uan Jesús moka kichiujkej
¿Keniuj tionmomachilia keman aksa akin kuali iuan tionmouika mitsontayokolia teisa tein semi kualtsin? Xa semi tionyolpaki uan tikonneki tikonnextis ke tikonpatiuita tein mitsontayokolij. Jiova uan Jesús techmakakej okachi kuali netetayokolil tein amo akin ueliskia techmakas. ¿Toni nejon netetayokolil? ¿Keniuj uelis tiknextiskej ke tiktasojkamatij?
1. ¿Keniuj uelis tiknextiskej ke tikpatiuitaj tein Dios uan Cristo toka kichiujkej?
Biblia kijtoua ke akin “iuantsin [Jesús] takuautamatiske” uelis nemiskej nochipaya (Juan 3:16). ¿Keniuj tiknextiaj ke titakuaujtamatij? Amo sayoj tikijtoskej ke tikneltokaj Jesús, ta tiknextiskej ika tein tikixpejpenaj uan tein tikchiuaj (Santiago 2:17). Keman tiknextiaj ke titakuaujtamatij ika tein tikijtouaj uan ika tein tikchiuaj, okachi kuali timouikaj iuan Jiova uan Jesús (xikonita Juan 14:21).
2. ¿Itech katiyejua tonal tein semi moneki no ueli tikintasojkamatiliaj Jiova uan Jesús?
Youak achto ke momikiliskia, Jesús kinnextilij imomachtijkauan okse taman kemej uelis kitasojkamatiskej maj toka momikiliani. Kiixtalij maj tikelnamikikan imikilis oso tein Biblia kitokaytia “iTakualis toTekotsin” (1 Corintios 11:20, TNM). Ijkon itatitaniluan, uan no akin yekmelauj kichiuaskiaj kemej Cristo amo kielkauaskiaj ke Jesús toka momikilij. Nejon youak, Jesús tanauatij: “Xiksentokakan xikchiujtokan nejin uan ika xinechelnamikikan” (Lucas 22:19, TNM). Keman touan tionmosentilia keman tikelnamikij imikilis Jesús, tikonnextia ke tikonpatiuita maj Jiova uan Jesús semi techtasojtakan.
MAJ OKACHI TIMOMACHTIKAN
Maj tikitakan okseki taman kemej no uelis tiktasojkamatiskej maj Jiova uan Jesús techtasojtakan. Uan maj tikitakan keyej semi moneki timosentiliskej keman tikelnamikij imikilis Jesús.
3. Maj tiknextikan ke timotasojkamatij
Xikonnemili ke tionatojtolojtok uan aksa mitsonpaleuia. ¿Niman tikonelkauaskia tein moka kichiuak? ¿Oso tikontemoskia keniuj tikontasojkamatilis?
Uelis tinemiskej nochipaya porin Jiova techmakixtij. Xikitakan 1 Juan 4:8-10 uan ika xitajtokan nejin:
¿Keyej maj Jesús toka momikiliani okachi kuali netetayokolil?
¿Keniuj tikonita tein Jiova uan Jesús moka kichiujkej?
¿Keniuj ueli tiknextiaj ke tiktasojkamatij tein Jiova uan Jesús toka kichiujkej? Xikitakan 2 Corintios 5:15 uan 1 Juan 4:11 uan 5:3. Keman nankiitaskej sejse versículo ika xitajtokan nejin:
¿Keniuj uelis tiknextiskej ke timotasojkamatij?
4. Maj tikchiuakan kemej Jesús
Keman tikchiuaj kemej Jesús no tiknextiaj ke timotasojkamatij. Xikitakan 1 Pedro 2:21 uan ika xitajtokan nejin:
¿Keniuj tejuatsin uelis tikonchiuas kemej Jesús?
Jesús kitasojtaya iTajtol Dios, kiteixmatiltiaya kuali tanauatilmej uan kinpaleuiaya oksekin.
5. Tikelnamikij imikilis Jesús
¿Toni panok keman yekinika kichiujkej iTakualis toTekotsin? Xikitakan Lucas 22:14, 19, 20 uan ika xitajtokan nejin:
¿Toni mochiuak itech iTakualis toTekotsin?
¿Toni kiixnextiaj pan uan vino? (Xikitakan versículos 19 uan 20).
Jesús kinekia maj imomachtijkauan kichiuakan iTakualis toTekotsin xijxiujtika, itech tonal keman momikilij. Yejua ika, tiitaixpantijkauan Jiova tikelnamikij imikilis Jesús xijxiujtika ijkon kemej tanauatij. ¿Keniuj moneki se kichiuas? Xikitakan VIDEO uan ika xitajtokan nejin:
¿Toni tikchiuaj keman tikelnamikij imikilis Jesús?
Pan uan vino kiixnextiaj ome taman. Pan kiixnextia inakayo Jesús tein amo kipiaya tajtakol tein toka kitemakak, uan vino kiixnextia iesyo.
TEIN SEKIN KIJTOUAJ: “Para timakisaskej, sayoj moneki tikneltokaskej Jesús”.
¿Keniuj tikonkuiskia Juan 3:16 uan Santiago 2:17 para tikonnextis ke moneki tikchiuaskej okseki taman?
TEIN TIKITAKEJ
Tiknextiaj ke tiktasojkamatij tein Jesús toka kichiuak komo iuan titakuaujtamatij uan no timosentiliaj keman moelnamiki imikilis.
Maj tikelnamikikan
¿Keniuj kinextia aksa ke takuaujtamati iuan Jesús?
¿Keniuj tikonneki tikontasojkamatis tein Jiova uan Jesús moka kichiujkej?
¿Keyej semi moneki maj timosentilikan ijkuak moelnamiki imikilis Jesús?
NO XIKONITA NEJIN
Kemej Jesús momikilij, ¿toni techolinia maj tikchiuakan?
Xionmomachti okachi toni takuaujtamatilis uan keniuj uelis se kinextis.
“Maj titakuaujtamatikan itech tein Jiova motenkaua” (Tanejmachtijkej, metsti octubre xiuit 2016)
Se siuatsin kipatak inemilis keman kimatik tein kijtosneki maj Jesús kitemakani inemilis. Xikonita tein kipanok kampa kijtoua “Me siento limpia, viva y en paz”.
“La Biblia les cambió la vida” (La Atalaya, 1 de agosto de 2011)
Xikonita keyej amo miakej akin kikuaj pan uan tayij vino keman tikelnamikij imikilis Jesús.