NEKUIKATIL 139
¿Timoita itech yankuik taltikpak?
1. Nimitsita, nimoita,
itech xochital nikan taltikpak.
Ompa senkis tiyolpakis.
Noyampa onkas yolseuilis.
Tamisya tein amo kuali
uan nochi tein techtajyouiltia.
Jiova Dios noyampa taixyekanas
uan ika pakilis
timokuikatiskej:
(ESTRIBILLO)
“ToTajtsin Jiova, nitelyolpaki
porin tikchiuak yankuik taltikpak.
Itechkopa Jesús nochi tikyektalij.
Nochipa nimitstasojkamatilis Dios”.
2. ¡Nikan niyetok! ¡Nikan tiyetok!
Taltikpak mochiuak se xochital.
Amo nenkaj nikchixtoya,
Dios kichiuak tein motenkauak.
Senkis tamik tajyouilis
uan no kokolis uan moujkayot.
Akin mikkejya oksepa nemiskej.
Ika pakilis
timosenkuikatiskej:
(ESTRIBILLO)
“ToTajtsin Jiova, nitelyolpaki
porin tikchiuak yankuik taltikpak.
Itechkopa Jesús nochi tikyektalij.
Nochipa nimitstasojkamatilis Dios”.
(No xikonita Sal. 37:10, 11; Is. 65:17; Juan 5:28; 2 Ped. 3:13.)