¿Toni motenkaua Dios itech Biblia ke mochiuas satepan?

“Akin yolmelaujkej ininaxkatis taltikpak, uan ompa nemiskej nochipaya.”

(Salmo 37:29)

“Taltikpak nochipa [yetos].”

(Eclesiastés 1:4)

“Yejuatsin kitamis mikilis nochipaya, uan toTajtsin Jiova akin okachi Ueyi Taixyekankej yekmelauj kinuachilis ininixayo nochin.”

(Isaías 25:8)

“Itech nejon tonalmej ininixtololouan ixpopoyomej tapouiskej, uan ininnakasuan akin amo takakij tapouiskej. Itech nejon tonalmej koxoj ajkotsikuinis ijkon kemej kichiua masat, uan inenepil akin amo ueli tajtoua, yolpakkatsajtsis. Ta kampa taluakyan mextos at, uan tamanis kampa taluakyan motalojtos miak at.”

(Isaías 35:5, 6)

“Totajtsin kinelkaualtis de ninchokilisuan de nochi itaneltokakauan. Uan amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok. Uan ijkon yeski porin nochi tajtamik ya de ne achtopa onkaya.”

(Apocalipsis [Revelación] 21:4)

“Kinchijchiuaskej kalmej uan ompa chanchiuaskej, uan kitokaskej uvajmekat uan kikuaskej itakilo. Amo kalchiuaskej uan okse kikuis, amo tatokaskej uan oksekin kikuaskej. Porin itonaluan noxolal yeski kemej itonaluan se kouit, uan tekit tein kichiuaskej ika ininmauan notaixpejpenaluan senkis kinyolpaktis.”

(Isaías 65:21, 22)