TAMACHTILIS 34
¿Keniuj uelis tiknextiliskej Jiova ke tiktasojtaj?
¿Tikonmachilia ke okachi tionmotokijtok iuan Dios porin tionmomachtijtok Biblia? ¿Tikonuelitaskia okachi kuali tionmouikas iuan? Komo ijkon, xikonelnamiki ke komo Jiova kiita ke okachi tikontasojta, yejuatsin no okachi mitsontasojtas uan mitsonyekpias. ¿Keniuj uelis tikonnextilis ke tikontasojta?
1. ¿Keniuj tiknextiliaj Jiova ke tiktasojtaj?
Tiknextiaj ke tiktasojtaj keman tiktakamatij (xikonita 1 Juan 5:3). Sayoj ke yejuatsin amo akin kichikaujkauia maj kitakamati, ta techkaua maj tikixpejpenakan ox tiktakamatiskej oso amo, ¿keyej? Porin Jiova kineki maj tiktakamatikan ika nochi toyolo (Romanos 6:17). Nejin kijtosneki ke yejuatsin kineki xikontakamati amo porin moneki tikonchiuas, ta porin tikontasojta. Itech taxelolmej 3 uan 4 tein kipia nejin amaix mitsonpaleuis xikonnextili Jiova ke tikontasojta itech ome taman: keman tikonchiua tein kiyolpaktia uan keman tikonixtopeua tein amo kiyolpaktia.
2. ¿Keyej kemansa ouij techkisa tiknextiliskej Jiova ke tiktasojtaj?
“Miak ouijkayomej kipia akin yolmelauak” (Salmo 34:19). Tinochin moneki timochikauaskej amo tikchiuaskej tein amo kuali. Uan amo sayoj nejon, ta xa ouij techkisa timoixpanoltiskej, techchiuiliaj tein amo kuali uan tikpanouaj okseki ouijkayomej. Keman tikpanouaj nochi nejin, xa okachi ouij techkisa tiktakamatiskej Jiova. Keman nochipa tikontakamati maski ouij yeski, tikonnextia ke okachi tikontasojta ke okseki taman. No tikonnextilia ke amo keman tikonkaua, uan yejuatsin amo no mitsonkauas (xikonita Salmo 4:3).
MAJ OKACHI TIMOMACHTIKAN
Maj tikitakan keyej Jiova kipatiuita maj tiktakamatikan uan toni techpaleuis maj amo keman tikauakan.
3. Se taman tein no ika mitsontakajkayauilijkej
Ijkon kemej kijtoua amatajkuilol Job, Satanás amo sayoj kitakajkayauilij yejua, ta no nochin akin kinekij kitekitiliskej Jiova. Xikitakan Job 1:1 uan 1:6–2:10, uan ika xitajtokan nejin:
Ijkon kemej kijtoj Satanás, ¿keyej Job kitakamatia Jiova? (Xikitakan Job 1:9-11).
¿Toni techtakajkayauiliani Satanás tinochin, uan hasta tejuatsin? (Xikitakan Job 2:4).
Xikitakan Job 27:5b uan ika xitajtokan nejin:
¿Keniuj Job kinextij ke yekmelauj kitasojtaya Jiova?
Kemej Job amo keman kikauak Jiova, kinextij ke kitasojtaya.
Keman amo keman tikauaj Jiova tiknextiaj ke tiktasojtaj.
4. Xikonyolpakti Jiova
Xikitakan Proverbios 27:11 uan ika xitajtokan nejin:
¿Keniuj momachilia Jiova keman tikontakamati uan tikonixtalia tikonchiuas tein kuali? ¿Keyej?
5. Uelis tikonnextis ke amo tikonkaua Jiova
Tiktasojtaskej Jiova kichiua maj tikiniluikan oksekin akoni yejuatsin. Uan kemej amo tiknekij tikauaskej tikchiuaj maski ouij techkisas. Xikitakan VIDEO uan ika xitajtokan nejin:
¿Tikonita ke ouij ika tiontajtos Jiova?
Ijkon kemej tikitakej itech video, ¿toni kipaleuij Grayson maj amo mouiok?
Okachi amo ouij techkisa tiktakamatiskej Jiova keman tiktasojtaj tein kitasojta uan tiktauelitaj tein kitauelita. Xikitakan Salmo 97:10 uan ika xitajtokan nejin:
¿Toni seki taman tein timomachtijkejya kitasojta Jiova? ¿Toni kitauelita?
¿Keniuj uelis tikontasojtas tein kuali uan tikontauelitas tein amo kuali?
6. Tiktakamatiskej Jiova nochipa techpaleuia
Tiktakamatiskej Jiova yejua tein okachi kuali. Xikitakan Isaías 48:17, 18 uan ika xitajtokan nejin:
¿Tikonnemilia ke Jiova kimati toni okachi techpaleuis? ¿Keyej ijkon tikonijtoua?
¿Keniuj mitsonpaleuiani hasta axkan tionmomachtis Biblia uan tikonixmatis Jiova, Dios akin yekmelauj nemi?
TEIN SEKIN KIJTOUAJ: “Amo keman uelis tikyolpaktiskej Dios”.
¿Katiyejua texto uelis ika tikonnextis ke uelis tikyolpaktiskej Jiova?
TEIN TIKITAKEJ
Tejuatsin tikonnextia ke tikontasojta Jiova keman tikontakamati uan amo tikonkaua maski tikonpanoua ouijkayomej.
Maj tikelnamikikan
¿Toni mitsonmachtia tein kipanok Job?
¿Keniuj uelis tikonnextis ke tikontasojta Jiova?
¿Toni mitsonpaleuis amo keman xikonkaua Jiova?
NO XIKONITA NEJIN
Xikonita keniuj amo keman tikonkauas Jiova uan inechikol.
Xikonita toni okachi techijtouiliani Satanás.
“Job amo keman kikauak Dios” (Biblia, ¿toni ika tajtoua? Taxelol 6)
Xikonita ke hasta konemej uelis kinextiskej ke kitasojtaj Jiova.
Xikonita keniuj telpochmej uelis kiyolpaktiskej Jiova maski oksekin kinekiskej kinchiualtiskej tein amo kuali.