TAMACHTILIS 47
¿Uelisya tionmoauis?
Kemej tionmomachtijtok Biblia okachi tikonixmati Jiova. Uan xa tikonpatania seki taman para tikonnextis ke tikonchiujtok tein tionmomachtia. Sayoj ke xa teisa mitsontsakuilijtok xionmotemakti iuan Jiova uan xionmoaui. Nejin tamachtilis ika tajtoua tein miakej akin momachtijtokej Biblia kiixnamikkej para uelis moauiskej, uan no tein uelis tikonchiuas tejuatsin para tionmoauis.
1. ¿Toni tein kijtoua Biblia moneki tikonmatis achto ke tionmoauis?
Para tionmoauis, tejuatsin moneki kuali tikonixmatis “in melauak Tajtoltsin de Dios” (1 Timoteo 2:4). Nejin amo kijtosneki ke achto ke tionmoauis moneki tikonmatis keniuj tikonnankilis ika Biblia nochi netajtanilmej tein mitsonchiuiliskej. Hasta akin kiuikajya miak xiujmejya ke moauijkej moneki kisentokaskej momachtiskej (Colosenses 1:9, 10). Sayoj ke onkak teisa tein moneki tikonmatis: tamachtilismej tein tayekantokej itech Biblia. Tayekananij itech nechikol mitsonpaleuiskej xikonita ox tikonmatia tein okachi moneki tein kijtoua Biblia.
2. ¿Toni moneki tikonchiuas achto ke tionmoauis?
Biblia kijtoua: “Ximoyolnemilikan de namotajtakoluan uan ximokuepakan” (xikonita Hechos 3:19). Uan nejin moneki tikonchiuas achto ke tionmoauis. Sayoj ke, ¿toni kijtosneki? Kijtosneki ke semi mitsonyolkokoua tein yeski tajtakol tein tikonchiuak uan tikontajtania Jiova maj mitsontapojpolui. No tikonixtopeua tein amo kuali uan tikonixtalia tionnemis kemej Dios kiyolpaktia. Uan no peua tikonchiua seki taman iniuan itekitikauan Dios, kemej tionyas nechikolmej uan tiontanojnotsas, maski ayamo tionmoauia.
3. ¿Keyej moneki tionmoauis maski tionmouis?
Sekin mouij amo kichiuaskej kemej kiluijkej Jiova. Tein melauj kemansa tionmopolos, kemej kinpanok takamej uan siuamej akin ininka tajtoua Biblia uan amo kikaujkej Jiova. Sayoj ke, amo xikonelkaua ke Jiova amo kichia maj itekitikauan amo mopolokan (xikonita Salmo 103:13, 14). Yejuatsin yolpaki komo tikonchiua nochi tein tionueli uan mitsonpaleuis. Jiova techyekiluia itech Biblia ke nion teyi “uelis techxelos itech inetasojtalis Dios” (xikonita Romanos 8:38, 39, TNM).
MAJ OKACHI TIMOMACHTIKAN
Maj tikitakan ome taman tein mitsonpaleuis maj nion teyi mitsontsakuili xionmoaui: kuali xikonixmati Jiova uan xikonkaua maj mitsonpaleui.
4. Kuali xikonixmati Jiova
¿Toni moneki tikonmatis de Jiova achto ke tionmoauis? Moneki kuali tikonixmatis Jiova porin ijkon tikontasojtas uan tikonnekis tikontakamatis. Xikitakan VIDEO para nankimatiskej keniuj kichiuanij akin momachtiaj Biblia itech nochi taltikpak, uan ika xitajtokan nejin:
Kemej moitak itech video, ¿toni kinpaleuij sekin akin momachtiaj Biblia maj moauikan?
Xikitakan Romanos 12:2 uan ika xitajtokan nejin:
¿Teisa ayamo tikonyekmati tein Biblia tamachtia? ¿Senkis tikonneltoka ke itaixpantijkauan Jiova yekmelauj tamachtiaj tein kijtoua Biblia?
Komo amo, ¿toni uelis tikonchiuas?
5. Xikonixnamiki tein uelis mitsontsakuilis xionmoaui
Tinochin monekik tikixnamikiskej teisa keman tikixtalijkej timotemaktiskej iuan Jiova uan timoauiskej. Para nankiixmatiskej aksa akin ijkon kipanok xikitakan VIDEO uan ika xitajtokan nejin:
¿Toni ouijkayomej monekik kiixnamikis Narangerel para kitekitilis Jiova?
Kemej kitasojta Jiova, ¿keniuj nejon kipaleuij maj kiixnamiki ouijkayomej?
Xikitakan Proverbios 29:25 uan 2 Timoteo 1:7, uan ika xitajtokan nejin:
¿Akoni techyolchikaua para tikixnamikiskej ouijkayomej?
6. Xiontakuaujtamati ke Jiova mitsonpaleuis
Jiova mitsonpaleuis xikontakamati. Xikitakan VIDEO uan ika xitajtokan nejin:
¿Keyej akin nesi itech video uan momachtijtoya Biblia amo kinekia moauis?
¿Toni kipaleuij maj okachi takuaujtamati iuan Jiova?
Xikitakan Isaías 41:10, 13 uan ika xitajtokan nejin:
¿Keyej uelis tikonchiuas tein tikoniluis Jiova keman tionmotemaktis?
7. Xikontasojkamati maj Jiova mitsontasojta
Komo tikonnemilia keniuj Jiova mitsontasojta, okachi tionmotasojkamatis uan tikonnekis tikontekitilis nochipaya. Xikitakan Salmo 40:5 uan ika xitajtokan nejin:
¿Toni tein Jiova techtayokoliani okachi tikonpatiuita?
Jeremías, akin kitematiltiaya tein Dios kijtouaya, kitasojtaya Jiova uan iTajtol, uan semi kipatiuitaya kitekitilis. Yejua kijtoj: “Uan motajtol notech mochiuak se ueyi pakilis uan kiyolpaktij noyolo, porin nikuika motokay, Jiova” (Jeremías 15:16). Axkan xikonnankili nejin netajtanilmej:
¿Keyej se ueyi tatiochiualis tiyeskij itaixpantijkauan Jiova?
¿Tikonneki tionmoauis para tionmochiuas itaixpantijkauj Jiova?
¿Teisa mitsontsakuilia?
¿Toni uelis tikonchiuas para tionmoauis?
TEIN SEKIN KIJTOUAJ: “Nimoui maj amo ueli nikchiua tein moneki kichiuaskej akin moauiaj”.
¿No ijkon tionmomachilia?
TEIN TIKITAKEJ
Uelis tikonixnamikis tein yeski tein mitsontsakuilis xionmoaui porin Jiova mitsonpaleuis.
Maj tikelnamikikan
¿Toni tein kijtoua Biblia moneki tikonmatis achto ke tionmoauis?
¿Toni moneki tikonchiuas achto ke tionmoauis?
¿Keyej moneki tionmoauis maski tionmouis?
NO XIKONITA NEJIN
Xikonita toni mitsonpaleuis xikonneki xionmoaui.
“¿Uelisya tionmoauis?” (Tanejmachtijkej, metsti marzo xiuit 2020)
Xikonita keniuj uelis tikonixnamikis tein xa mitsontsakuilijtok xionmoaui.
“¿Xe amo uelis ma xinechaui tech nijin at?” (Tanejmachtijkej, metsti marzo xiuit 2019)
Xikonita keniuj se takat kiixnamikik tein kitsakuilijtoya maj moaui.
Yekinika, se takat akin monotsa Ataa kinemiliaya ke amo monekia moauis. Xikonita toni kipaleuij maj kichiua.