Watchtower BIBLIOTECA ITECH TEPOS
Watchtower
BIBLIOTECA ITECH TEPOS
náhuatl del norte de Puebla
  • BIBLIA
  • AMAIXMEJ
  • NECHIKOLMEJ
  • w15 1/1 pág. 5
  • ¿Tiontajtoua iuan Dios?

Amo moajsi nion se video ika tein tikonixpejpenak

Xitechontapojpolui, se taman kitsakuilij maj amo moita video.

  • ¿Tiontajtoua iuan Dios?
  • Tanejmachtijkej. Kiteixmatiltijtok iTekiuajyo Jiova 2015
  • Tamachtilis tein iuan mouika
  • Netataujtil techtokia iuan Dios
    ¿Toni yekmelauj tamachtia Biblia?
  • ¿Tikonita Jiova kemej yekmelauj motasojikniuj?
    Tanejmachtijkej. Kiteixmatiltijtok iTekiuajyo Jiova 2015
  • Keman timotataujtiaj timotokiaj iuan Dios
    ¡Uelis tiyolpakiskej nochipaya! Biblia techiluia keniuj.
  • ¿Tikonijtoskia ke kuali tionmouika iuan Dios?
    Tanejmachtijkej. Kiteixmatiltijtok iTekiuajyo Jiova 2015
Xikonita okachi
Tanejmachtijkej. Kiteixmatiltijtok iTekiuajyo Jiova 2015
w15 1/1 pág. 5
Se takat tajtojtok ika teléfono iuan se akin kuali iuan mouikae

TAMACHTILIS ITECH IPEUJYAN AMAIX | TEJUATSIN UELIS KUALI TIONMOUIKAS IUAN DIOS

¿Tiontajtoua iuan Dios?

Akin kuali mouikaj miakpa monojnotsaj, uelis yeski keman moitaskej, ika teléfono, correo electrónico, video oso carta. No ijkon, komo tiknekij kuali timouikaskej iuan Dios moneki miakpa timonojnotsaskej iuan. Sayoj ke ¿keniuj uelis tikchiuaskej?

Titajtouaj iuan keman tikchiuaj netataujtil. Tein melauj, keman titajtouaj iuan Dios semi taman keman titajtouaj iuan aksa, akin tamati kemej tejuan. Moneki tikajsikamatiskej ke ijkuak tiktataujtiaj yejuatsin, tiknojnotstokej akin okachi ueyichiujkej itech nochi iluikak uan taltikpak, akin Tachijchiuak, yejua ika moneki semi tikpoujkaitaskej. Uan no, komo tiknekij maj Dios techkaki, moneki tikchiuaskej seki taman. Maj tikitakan eyi.

Yekinika, moneki tiktataujtiskej sayoj Jiova, amo Jesús nion se tiotsin (Éxodo 20:4, 5). Biblia kiyekijtoua: “Amo teyika ximoyolkuejmolokan. Ta, nachipa ximoteixpantikan iixpantsinko Totajtsin Dios ika namonetatatautilis uan xiktasojkamachilikan Dios. Uan no xiktajtanilikan Dios nochi ten namechpoloa” (Filipenses 4:6, tejuan tiktalilijkej cursivas). Ojpatika, keman timotataujtiskej moneki tikchiuaskej itokaykopa ikonetsin Dios, Jesucristo. Yejua kijtoj: “Amo aken uelis kajsis Notajtsin Dios komo amo Nejuatsin nikyekantiyas” (Juan 14:6, tejuan tiktalilijkej cursivas). Uan expatika, tein tiktajtaniaj Dios moneki mouikas iuan tein yejuatsin kineki. Biblia kijtoua: “Tikpiaj ya se ueyi yoltakuautamatilis iuan Dios porin tikmatij ya ke komo tiktajtaniliaj Dios tensa ijkon keme yejua in itanejnekilis de Yejuatsin, ijkuakon Totajtsin Dios techkakilia” (1 Juan 5:14, tejuan tiktalilijkej cursivas).a

Akin kuali mouikaj yolpakij monojnotsaskej nochipa

Tein melauj, se kuali uikalis tein kipiaj omen amo uejkauas komo sayoj tajtoua se; moneki kimatiskej keman tajtoskej uan keman mokakiskej. No ijkon, tejuan moneki tikmatiskej keniuj tikakiskej Dios keman technojnotsa. Sayoj ke ¿keniuj kichiua?

Axkan, technojnotsa ika iTajtol, Biblia (2 Timoteo 3:16, 17). Xikonnemili ke se akin kuali iuan tionmouika mitsontitanilia se amatajkuilol. Keman tikonixtajtoltis tein mitsoniluia itech amat kemej yeskia mitsonnojnotstoskia, ¿melauj? No ijkon, tikixtajtoltiskej Biblia kemej yeskia tikauaskej maj Dios technojnotsa. Yejua ika, Gina, akin ika titajtojkej itech yekinika tamachtilis itech nejin amaix, kijtoua: “Komo nikneki maj Dios nechita kemej akin kuali iuan mouika, moneki nimomachtis ‘iamatajkuilolʼ, Biblia”. Uan no kijtoua: “Nikixtajtoltis Biblia mojmostaj nechpaleuiani maj okachi iuan nimotoki”. ¿Tikonixtajtoltia Biblia mojmostaj? Komo tikonchiua, tikonkauas maj Jiova mitsonnojnotsa uan okachi tionmotokis iuan.

a Komo tikonneki tikonmatis keniuj tikontataujtis Dios, xikonita capítulo 17 itech amaix ¿Toni yekmelauj tamachtia Biblia?, tein kichijchiujkej itaixpantijkauan Jiova.

    Amaixmej itech Náhuatl (norte de Puebla) (2003-2025)
    Kampa se kisa
    Kampa se kalaki
    • náhuatl del norte de Puebla
    • Maj se kipanoltili okse
    • Kampa se kipata kemej se kineki
    • Copyright © 2025 Watch Tower Bible and Tract Society of Pennsylvania
    • Kemej kinamiki motekitiltis
    • Keniuj tikyekpiaj tein tikseliaj
    • Kampa mopata seki taman
    • JW.ORG
    • Kampa se kalaki
    Maj se kipanoltili okse