Akin makisaskej keman tamis nejin tonalmej nemiskej itech se kualtsin xochital.
¿Toni kijtoua Biblia?
¿Tinemij itech “itamian tonalmej”?
¿Toni tikonijtoskia tejuatsin?
Kemaj
Amo
Xa
Tein kijtoua Biblia
“Itech itamian tonalmej yeskij tonalmej ouijkej tein teouijmakas se kiixnamikis.” (2 Timoteo 3:1, TNM.) Tein achto moijtoj itech Biblia uan tein axkan mochiujtok kinextia ke tinentokej itech “itamian tonalmej”.
¿Toni okachi kijtoua Biblia?
Itech itamian tonalmej, onkaskia neteuilismej, mayan, talolinilis uan uejueyi kokolismej (Mateo 24:3, 7; Lucas 21:11).
Itech itamian tonalmej taltikpakneminij senkis amo chipaujkanemiskej uan amo motekipachoskej ininka oksekin (2 Timoteo 3:2-5).
¿Toni panos satepan?
Tein kineltokaj sekin keman ejkos itamilis nejin tonalmej, taltikpak uan akin nemij itech taltikpak ixpoliuiskej. Oksekin kinemiliaj ke motayektalis. ¿Toni tikonnemilia tejuatsin?
Tein kijtoua Biblia
“Akin yolmelaujkej ininaxkatis taltikpak, uan ompa nemiskej nochipaya.” (Salmo 37:29.)
¿Toni okachi kijtoua Biblia?
Keman ejkos itamilis nejin tonalmej tamis nochi tein amo kuali (1 Juan 2:17).
Taltikpak mochiuas se xochital (Isaías 35:1, 6).