Se neskayot tein nochin uelis kinpaleuis

Tel kuali mouikaya iuan Jiova uan nochipa kichiuak itanejnekilis yejuatsin. Kemaj, “nentinemia iuan Dios akin melauak” uan yejua ika kiselij tatiochiualis. Nejin takat motokaytij Noé, yejua kikauak se kuali neskayot tein nochin uelis kitojtokaskej, kemej akin telpochmej uan akin xiuejkejya (Gén. 6:9). Video Noé nemik iuan Dios techpaleuis maj tikitakan keniuj nemia, toni kichiuak maj Jiova kitatiochiui uan keniuj uelis tiknextiskej ikualneskayouan.

Satepan ijkuak tikonitas video, xikonnankili nejin netajtanilmej: 1) ¿Toni tein amo kuali kichiujkej seki ángeles, uan akonimej katkaj nefilim? (Gén. 6:1, 2, 4.) 2) ¿Keyej taltikpakneminij mochiujkej tel amo yolkualmej, uan keniuj kiitak Dios? (Gén. 6:4-6.) 3) ¿Keniuj Noé amo katka kemej nochin yejuan? (Gén. 6:22.) 4) ¿Keniuj ixpoliujkej taltikpakneminij akin amo yolkualmej? (Gén. 6:17.) 5) ¿Toni tamachiuj kipiaya arca? (Gén. 6:15.) 6) ¿Toni okse taman kichiuak Noé, uan keniuj tanankilijkej taltikpakneminij? (Mat. 24:38, 39; 2 Ped. 2:5.) 7) ¿Kajkanachi tapialmej kalakkej itech arca? (Gén. 7:2, 3, 8, 9.) 8) ¿Kanachi tonalmej kiouik, uan kanachi tonalmej taapexontoya itech taltikpak? (Gén. 7:11, 12; 8:3, 4.) 9) ¿Keyej makiskej Noé iuan ichankauan? (Gén. 6:18, 22; 7:5.) 10) ¿Kani motalito arca? (Gén. 8:4.) 11) ¿Keniuj kimatik Noé ke ueliskiaj kisaskejya itech arca? (Gén. 8:6-12.) 12) ¿Toni kichiuak Noé niman keman kisak? (Gén. 8:20-22.) 13) ¿Toni kiixnextia mixkosantsin? (Gén. 9:8-16.) 14) ¿Toni kijtosneki se ‘nemis iuan Dios’? (Gén. 6:9, 22; 7:5.) 15) ¿Toni moneki tikchiuaskej uan ijkon tikitaskej Noé itech Xochital? (Mat. 28:19, 20; 1 Ped. 2:21.)

Biblia kijtoua ke Noé melaujkanemik uan nochipa tatakamatik. ¿Keniuj techpaleuia ineskayo maj ‘tinemikan iuan Dios’ uan maj titakuaujtamatikan itech chikaualis tein ika ueli kinmakixtia itekitikauan axkan? (Gén. 7:1; Prov. 10:16; Heb. 11:7; 2 Ped. 2:9.)