“Tinentinemij ika takuaujtamatilis, amo ika tein moita”
Tepitsin achto keman Jerusalén kiyoualoskiaj uan kiixpoloskiaj, tatitanil Pablo kintajkuilouilij imomachtijkauan Cristo ke monekia kiixnamikiskej ouijkayomej uan kikauaskej kuali nemilis tein kipiayaj uan tein kinyolpaktiaya ijkon kemej kichiua se soldado (2 Tim. 2:3, 4). Amo uejkaua Dios kiixpolos nochi tein amo kuali tein mochiujtok nikan taltikpak, yejua ika, moneki tikpiaskej se takuaujtamatilis chikauak tein techpaleuis maj tiktayekanaltikan itekiyo Dios (2 Cor. 4:18; 5:7, TNM). Xikonita video “Tinentinemij ika takuaujtamatilis, amo ika tein moita”, (xikontemoui itech jw.org/ncj, kampa kijtoua AMAIXMEJ > VIDEOS). Xikonita keniuj Nadab uan Débora kipolojkej ininnemilis porin okachi kitayekanaltijkej kipiaskej miak taman. Axkan, xikonita nejin netajtanilmej.
1) ¿Toni kiixnextiaya “tein pitsotik taixpolojkej [...] ijkatok kampa taueyichiuaj” itech yekinika siglo uan toni monekik kichiuaskej itatojtokakauan Cristo akin nemiaj Jerusalén? (Mat. 24:15, 16, TNM.) 2) ¿Keyej monekik takuaujtamatiskej keman kikaujkej nejon altepet? 3) ¿Toni monekik kichiuaskej tein kinouijmakak? 4) ¿Keyej amo niman kiskej Nadab uan Débora? (Mat. 24:17, 18.) 5) ¿Toni okse taman tayejyekolis kipanok Raquel keman kikauak Jerusalén? (Mat. 10:34-37; Mar. 10:29, 30.) 6) ¿Toni kuali neskayot ika takuaujtamatilis iuan Jiova kinextij Jafet? 7) ¿Toni ouijkayomej kipanokej itatojtokakauan Cristo ompa Pela? 8) ¿Keniuj yolik kipolojtiyajkej inintakuaujtamatilis Nadab uan Débora? 9) ¿Keniuj kinyekpiak Jiova imomachtijkauan Cristo akin nemiaj Pela? (Mat. 6:33; 1 Tim. 6:6-8.) 10) ¿Keniuj uelis tikchiuaskej kemej Abrahán uan Sara ijkon kemej moualtokia tonal keman ixpoliuis nochi tein amo kuali? (Heb. 11:8-10.) 11) ¿Keyej mokepkej Jerusalén Nadab uan Débora uan keyej tein kinemiliayaj amo kuali yetoya? (Luc. 21:21.) 12) ¿Keniuj yekmelauj nemiaj ompa Jerusalén keman Nadab uan Débora mokepkej? 13) ¿Keyej moneki axkan tikchikauaskej totakuaujtamatilis achto ke ejkos ixpoliuilis? (Luc. 17:31, 32; 21:34-36.)
Tinentinemiskej ika takuaujtamatilis kijtosneki 1) titakuaujtamatiskej iuan Jiova, 2) tikauaskej maj yejuatsin techixyekana uan 3) okachi tiktayekanaltiskej itekiyo Dios uan amo tikpiaskej miak taman. ¡Maj tinochin tinentinemikan ika takuaujtamatilis uan maj tikchiuakan itanejnekilis Dios! Kemej kijtoua 1 Juan 2:17, itech Traducción del Nuevo Mundo nejin “taltikpak panotiuj, uan no itanejnekilis, sayoj ke akin kichiua itanejnekilis Dios mokaua sennochipaya”.