¿Oksepa selias se kouit tein kimayoujkej?

CEDROS tein onkak Líbano seki koujmej tel uejueykej uan se kinmoujkaita. Olivos amo semi se kinmoujkaita, porin amo uejueykej uan tetsiltikej. Sayoj ke semi chikaujkej uan ueli yoltokej hasta mil xiujmej. Ininnaluayo tel uejueykej uan semi chikaujkej. Maski kinmayouiskej, ueli oksepa moskaltiaj komo ininnaluayo ayamo uaki.

Nejin neskayot techelnamiktia se taman tein kijtoj se itekitikauj Dios akin motokaytiaya Job akin nemik ne uejkauj. Yejua kitalij se neskayot ika se kouit, xa se olivo. Kijtoj ke maski kimayouiskej, ueli oksepa moskaltia. Uan maski tauakis, keman kioui, oksepa selia “kemej se yankuik kouit” (Job 14:7-9). Job kitalij nejin neskayot porin ijkon kinextiaya ke takuaujtamatia ke komo momikiliskia, Dios ueliskia kiajokuis (Job 14:13-15).

Keman se koujtajtekitikej kiita se kouit tein kimayoujkej, kineki kiitas maj oksepa moskalti. No ijkon panoua iuan Jiova, keman kiita ke itekitikauan uan oksekin miakej momikiliaj, kineki kinmakas oksepa nemilis (Mat. 22:31, 32; Juan 5:28, 29; Hech. 24:15). Tejuan no tiknekij tikinitaskej oksepa yoltokej. ¡Semi tiyolpakiskej keman ajsis nejon tonal!