Josué
12 Israelitas okintlanilijkej nochtin ninmej tekiuajkej uan okimoaxkatijkej intlaluan tlen katej ik aueyatl* Jordán ik kanin kisa tonaltsin. Desde ibarranca Arnón hasta tepetl Hermón uan ik Arabá tlen kajki ik kanin kisa tonaltsin. Ijkin intoka ninmej tekiuajkej. 2 Sehón intekiua amorreos tlen ochantiaya altepetl Hesbón otlanauatiaya altepetl Aroer tlen kajki itempa ibarranca Arnón. Nochi iaxka okatka, desde itlajkotia ibarranca Arnón hasta ibarranca Jaboc. Intlal ammonitas opeuaya ibarranca Jaboc. Ye noijki okinauatiaya tlajko tlali Galaad. 3 Noijki otlanauatiaya Arabá hasta mar Kinéret* ik kanin kisa tonaltsin uan hasta ik kanin kajki mar Salado* ik Arabá. Noijki ik kanin kajki Bet-Jesimot ik kanin kisa tonaltsin uan ik sur ikxitlan tlalmej tlen ixtemotokej* tlen katej Pisgá.
4 Noijki ik ompa otlanauatiaya tekiua Og de Basán, ye opouiaya inuan saiktlami refaím, ochantiaya Astarot uan Edréi. 5 Ye otlanauatiaya ik kanin kajki tepetl Hermón, Salecá, Basán uan hasta kanin peua intlal guesuritas uan maacatitas. Noijki okinauatiaya tlajko tlali Galaad hasta kanin otlanauatiaya tekiua Sehón de Hesbón.
6 Moisés itekipanojka Jehová uan israelitas okintlanilijkej nonmej tekiuajkej. Satepan Moisés itekipanojka Jehová, okinmakak rubenitas, gaditas uan tlajko ifamilia Manasés nochi tlali tlen okitlankej.
7 Josué uan israelitas okintlanilijkej ninmej tekiuajkej tlen okatkaj ik Jordán ik kanin motlatia tonaltsin, desde Baal-Gad tlen kajki ixtlauak* Líbano hasta tepetl Halac tlen kajki inakastlan Seír. Nochi tlali tlen okitlankej, Josué okinmakak sejse intribu israelitas, ijkon ken omonekiaya. 8 Ompa tepeyo, noijki Sefelá, Arabá, tlalmej tlen ixtemotokej, kanin tlauaki uan Négueb. Okatka inmiaxka hititas, amorreos, cananeos, perizitas, heveos uan jebuseos.
9 Akin otlanauatiaya Jericó, akin otlanauatiaya Hai tlen okatka inakastlan Betel,
10 akin otlanauatiaya Jerusalén, akin otlanauatiaya Hebrón,
11 akin otlanauatiaya Jarmut, akin otlanauatiaya Lakís,
12 akin otlanauatiaya Eglón, akin otlanauatiaya Guézer,
13 akin otlanauatiaya Debir, akin otlanauatiaya Guéder,
14 akin otlanauatiaya Hormá, akin otlanauatiaya Arad,
15 akin otlanauatiaya Libná, akin otlanauatiaya Adulam,
16 akin otlanauatiaya Maquedá, akin otlanauatiaya Betel,
17 akin otlanauatiaya Tapúah, akin otlanauatiaya Héfer,
18 akin otlanauatiaya Afec, akin otlanauatiaya Lasarón,
19 akin otlanauatiaya Madón, akin otlanauatiaya Hazor,
20 akin otlanauatiaya Simrón-Merón, akin otlanauatiaya Acsaf,
21 akin otlanauatiaya Taanac, akin otlanauatiaya Meguidó,
22 akin otlanauatiaya Quedes, akin otlanauatiaya Jocneam ompa Carmelo,
23 akin otlanauatiaya Dor kanin katej tlalmej tlen ixtemotokej, akin otlanauatiaya Goyim ompa Guilgal
24 uan akin otlanauatiaya Tirzá. Akinmej otlanauatiayaj okatkaj 31.