TLAJTLANILISTLI 7
¿Tlen kijtoa Biblia panoskia itech ninmej tonalmej?
“Porke se país momakas iwa n ok se, iwa se altepetl momakas iwa n ok se [...]. Pero ijkuak ijkó tlamochiwas, sikin pewa n tlaijyowílistli.”
“Monextiskeh miakeh profetas tekajkayajkeh iwa miakeh kinkajkayawaskeh. Momiakilis n tlajtlákoli, yika miakeh ayakmó tetlasojtlaskeh.”
“Ijkuak nonkikakiskeh sentetl itech nin tlaltíkpaktli momijmiktilo, amo ximomojtikah saman ijkó tlamochiwas. Pero ayamó tlajtlamis n tlaltíkpaktli.”
“Tlalolinis chikawak, iwa sentetl yetos apisotl iwa kokólistli, iwa itech ilwikak motas tlan temojti non ayik motika.”
“Itech iksemi tonatijmeh yetos miak tlaijyowílistli. N tlakah yetoskeh xíkojteh, satlawel kiwilitaskeh tomi, moweyiliskeh iwa xaxankuatiskeh. Tlajtoskeh fiero de Dios, iwa mach kintlakitaskeh intajwah. Amo kimatiskeh motlasojkamatiskeh iwa mach ok kitlakitaskeh Dios. Mach kimatiskeh tetlasojtlaskeh nion tetlapojpolwiskeh. Satlawel kiwilitaskeh tepojpoaskeh iwa amo kixikoskeh tlan amokuali kelewis inkuerpo, tetlaijyowiltiskeh iwa kikokoliskeh tlan kuali. Yetoskeh teichtakawijkeh, ayakmó pinawaskeh nion mach itla kixmawiliskeh. Moyolpaktijtinemiskeh ika tlan amo kuali kelewia inkuerpo, iwa ayakmó kitemoskeh Dios. Kichiwaskeh kemi yetoskiah de milajka kineltokah Dios, pero ika tlan kichiwaskeh moixmatiskeh amo milák kineltokah.”