Tlen ika peua

TLEKA OMOCHIJCHI NIN AMATLAJKUILOL

Jehová kinmiluia itekipanojkauan ma kitemokan tlamatilistli uan ajsikamatilistli ken “itlaj tlen miak ipati tlen tlatitok” (Prov. 2:1-5). Ik non, tla tiknekij tikajsikamatiskej tlen kijtoa Biblia noso tiknekij tikmatiskej ken tikixnamikiskej ouijkayotl, moneki ma timochijchikauakan timomachtiskej. Ik non, nin amatlajkuilol Tlen ika momachtiaj iTlaixpantijkauan Jehová omochijchi para mitspaleuis kuali timomachtis.

Nin amatlajkuilol amo kinpia nochi tlamachtilmej tlen kiualikaj amatlajkuilolmej. Pero itech sejse tlamachtilmej katej amatlajkuilolmej tlen okachi yankuik, omotlajtolkopkej ika náhuatl uan okinchijchijkej itech xiuitl 2009 ik tlayekapan.

¿KEN UELIS TITLATEMOS?

Achto xikita kanin kijtoa Tlen kiualika, kajki itech okse página uan xikpejpena tlamachtil tlen tikneki tikmatis. Ualeua monekis titlatemos itech okseki tlamachtilmej uan ijkon tikajsis tlen tikneki. Sejse tlamachtilmej kipiaj okseki tlamachtilmej tlen mitspaleuis san niman xikajsi tlen tiktemoa.

Satepan xiktemo página, ompa tikajsis tlamachtil uan okseki tlamachtilmej tlen tikintemoa. Itech tlamachtilmej tlen ompa katej uelis tikpejpenas tlen tlamachtil tikneki tiktlajtoltis. Tlamachtilmej uelis tikinmajsis itech amatlajkuilolmej tlen tikinpia mokalijtik, ika formato electrónico noso itech amatlajkuilolmej tlen katej itech Kali kanin timonechikoaj. Xikilnamiki: maski mota se tlamachtil amo kipia itlaj tlen tiktemoa, kema kijtoa itlaj tlen mouijka ika non tlamachtil.

Tla tikneki kuali tikajsikamatis se texto, xikalaki kanin kijtoa Moyekijtoa textos. Ompa tikimajsis seki tlamachtilmej para okachi kuali tikajsikamatis.

Xikilnamiki, tiktemojtok “itlaj tlen miak ipati tlen tlatitok”, ik non, moneki tikxelos kauitl uan timochijchikauas miak para tikajsis. Yolik ximomachti uan tikajsis tlen tikneki tikmatis. Ijkuak okachi tiktekitiltis nin amatlajkuilol Tlen ika momachtiaj, amo oui tikajsis se tlamachtil uan nin mitsyolpaktis. Jehová melauak mitsteochiuas porque timochijchikaua uan mitspaleuis xikajsi ixtlamatilistli uan tlamatilistli (Prov. 2:6; 4:5).

TLEN KIJTOSNEKI:

❐ = miakej tlamachtilmej

sec. = subtítulo, sección noso apartado

párr. = párrafo

cap. = capítulo

pág. = página

núm. = número

12/2004 = metstli/xiuitl

1/2/2010 = tonal/metstli/xiuitl