TLAJTLANILMEJ ITECH BIBLIA

¿Melauak Jesús okinyolitiaya mikamej?

Lázaro yokipiaya naui tonal omikik ijkuak Jesús okiyoliti — Jesús kiyolitia Lázaro uan kiluia ma kisa itech mikakoyoktli

Itech Biblia tikinmajsij tlapoualismej itech yolitilistli tlen okichi Jesús. Ninmej tlapoualismej amo san leyendas, pampa techiluia kanin uan keman okinyoliti. Se neskayotl, kanaj itech xiuitl 31, Jesús okatka Capernaum uan oyajki Naín iuan oksekimej tlaltikpaktlakamej. Ijkuak oajsitoj okinnamikej sekimej tlaltikpaktlakamej tlen oyayaj kitokatiuij se telpochtli. Jesús ompa okiyoliti. Uelis titlaneltokaskej itech nin tlapoualistli, amo san pampa ijkuilitok itech Biblia, noijki pampa miakej tlaltikpaktlakamej okitakej. (Xiktlajtolti Lucas 7:11-15.)

Seki kauitl satepan Jesús okiyoliti Lázaro —akin okatka iyolikni— tlen yokipiaya naui tonal omikik. Noijki miakej tlaltikpaktlakamej okitakej tlen opanok, nin techmachtia melauak okiyolitijkej Lázaro. (Xiktlajtolti Juan 11:39-45.)

¿Tleka okinyoliti?

Jesús okinyolitiaya pampa okinmiknomatiaya. Noijki okichiuaya pampa kiteititis iTajtsin, akin oKichijchi nochi, okimakak chikaualistli pampa kinyolitis. (Xiktlajtolti Juan 5:21, 28, 29.)

Nochtin akinmej Jesús okinyoliti techmachtia nochi tlen toTajtsin Dios okijto melauak mochiuas. Ye kinyolitis miakej tlaltikpaktlakamej, uan noijki akinmej amo okixmatkej toTajtsin Dios. Ijkuakon uelis kixmatiskej uan kitlasojtlaskej. (Xiktlajtolti Hechos 24:15.)

Tla tikneki tikmatis okachi, xikita nin amochtli itech tlamachtil 7, ¿Tlen melauak tlamachtia Biblia?, tlen kichijchiuaj iTlaixpantijkauan Jehová

Noijki uelis tikkixtis itech www.jw.org/ncx