Ken uelis titetlapouiskej

Pampa tikinyoleuaskej ma tikilnamikikan iCena toTeko

“Tejuan tikinyoleuaj ma monechikoan itech se tonal tlen miak ipati. Tonal 14, metstli abril itech nochi Tlaltikpak sapanoa miakej timonechikoskej pampa tikilnamikiskej imikilis Jesucristo, noijki tikakiskej se tlanojnotsalistli kanin timomachtiskej ken techpaleuia imikilis, amo itlaj tiktlaxtlauas. Nikan kijtoa kanin uan tlen hora mochiuas.”

La Atalaya 1 de abril

“Axkan timotlapouiaj iuan nochtin itech itlaj tlen nochtin kichiuaj. Miakej tlaltikpaktlakamej motlatlaujtiaj, maski tlatlamantli intlaneltokalis. ¿Tikneltoka toTajtsin Dios kinankilia totlatlaujtiluan? Noso, ¿san techyolseuia ijkuak titlajyouiaj? [Xikaua ma tlanankili.] Xikita tlen kijtoa Biblia itech tlatlaujtilistli. [Xiktlajtolti 1 Juan 5:14.] Nin revista techiluia ken techpaleuia tlatlaujtilistli.”

¡Despertad! Abril

“Axkan nikan tiyetokej pampa timechpaleuiskej itech se ouijkayotl tlen axkan panotok. Miakej tlaltikpaktlakamej sapanoa moyolkokoaj pampa sapanoa tlajyouiaj uan mokuayejyekoaj ineuia momiktiskej. Ijkuak ikaj motekipachoa, ¿tikneltoka melauak kineki momiktis, noso san ayakmo kineki tlajyouis? [Xikaua ma tlanankili.] Itech Biblia onka se tlaxelol tlen miakej kinpaleuia pampa ma kichiakan itlaj kuali. [Xiktlajtolti Apocalipsis 21:3, 4.] Nin revista techtlapouia itech eyi tlamantli tlen uelis kichiuas ma kinekikan yoltoskej maski sapanoa tlajyouiaj.”