Tlaxtlauili kichiuas ma techyolitikan

Ijkuak tikilnamikiskej iCena toTeko uelis timokuayejyekoskej ken melauak techpaleuia imikilis Jesús, ken itech yolitilistli. Jehová amo keman okinek ma timikikan. Ik non, ijkuak ikaj akin tiktlasojtlaj miki, sapanoa techyolkokoa (1 Cor. 15:26). Jesús sapanoa omoyolkoko ijkuak okitak ken imachtijkauan okichokiliayaj Lázaro pampa omikik (Juan 11:33-35). Pampa Jesús kinextia iyelis iTajtsin, kuali tikmatij Jehová noijki moyolkokoa ijkuak kita tikchokiliaj ikaj akin omikik tlen tiktlasojtlaj (Juan 14:7). Jehová kichixtok tonal ijkuak kinyolitis akinmej yolmelajkej uan tejuan noijki tikchiaj non tonal (Job 14:14, 15).

Pampa Jehová ‘nochi kiyekchiwa ika kuali iwa kemi moneki’ ijkuak kinyolitis akinmej yomikej ijkon kichiuas (1 Cor. 14:33, 40). Ayakmo ikaj tikchokiliskej, okachi kuali tiyolpakiskej ijkuak toTajtsin Dios kinyolitis akinmej yomikej. ¿Timokuayejyekoa itech nin tlamantli ijkuak ikaj miki? (2 Cor. 4:17, 18). ¿Tiktlasojkamatilia Jehová pampa kinyolitis akinmej yomikej uan pampa techiluia itech Biblia melauak mochiuas? (Col. 3:15).

• ¿Akin tikneki oksepa tikitas ijkuak kinyolitiskej akinmej yomikej?

• ¿Akin tikneki tikixmatis tlen moijtoa itech Biblia akin kuali okitekichiuili Jehová?