Tonalmej tlen uelis tetlapouis precursor regular

Pampa titekitis ken precursor regular moneki kuali timoyektlalis uan tikpejpenas tlen tonalmej uan keski horas titetlapouis. Tla sejse semana titetlapouis dieciocho horas, uelis tiyetos precursor uan hasta ¡timajxilis tipaxialoti! Nin horario noijki uelis mitspaleuis ijkuak timokokos noso okseki tlamantli. Nikan moteititia keman uelis tetlapouiskej tokniuan akinmej tekitij tlajko tonal noso nochi tonal, uan noijki pampa tokniuan akinmej mokokoaj. Tla nanmoyektlaliskej uelis se itech mokalchanejkauan mochiuas precursor itech septiembre. ¿Uelis nanmotlapouiskej ijkuak nankiueyichiuaj Jehová ken kalchanejke?