Ma tinemikan itech itlanauatil Jehová

Tinemiskej itech itlanauatil Jehová kijtosneki tiktlakamatiskej ika nochi toyolo. Ijkon ken salmista, itech Biblia katej miakej neskayomej itech itekipanojkauan Jehová tlen okitlakamatkej uan itech otlaneltokakej.

Tla tiknekij tiyolpakiskej moneki tinemiskej itech itlanauatil toTajtsin Dios

119:1-8

Josué otlaneltokak ika nochi iyolo itech itlayekanalis Jehová. Okimatiaya pampa uelis yolpakiskia uan kuali kisaskia tlen kichiuaskia, omonekiaya tlaneltokas ika nochi iyolo itech Jehová.

ITlajtol toTajtsin Dios techyolchikaua ma tikixnamikikan ouijkayotl

119:33-40

Jeremías okatka yolchikauak uan otlaneltokak itech Jehová ijkuak okipixki ouijkayotl. Amo okitemo kipias miak tlamantli uan okichi tekitl tlen okinauati Jehová.

Tla kuali tikixmatij iTlajtol toTajtsin Dios amo timomojtiskej ijkuak titetlapouiskej

119:41-48

Tlatitlanil Pablo amo omomojtiaya kintlapouis tlaltikpaktlakamej. Ijkuak okitlapoui tekiua Félix, okineltokak ika nochi iyolo Jehová kipaleuiskia.

¿Keman moneki okachi nimoyolchikauas pampa nitetlapouis?

• Itech escuela

• Itech tekitl

• Iuan nokalchanejkauan

• Oksekimej