¿Ken uelis kuali timomachtiskej Biblia?

¿Mitspaktiskia tiyetos tiyolmelajki ken Daniel ijkuak tikpias ouijkayotl? Ye kuali omomachtiaya iTlajtol toTajtsin Dios, noijki kuali omomachtiaya profecías (Dan. 9:2). Tla kuali timomachtis Biblia, mitspaleuis tiyetos tiyolmelajki. Ijkon okachi tikneltokas tlen Jehová okijto kichiuas (Jos. 23:14). Noijki okachi tiktlasojtlas toTajtsin Dios uan non mitsyolinis xikchiua tlen kuali (Sal. 97:10). ¿Pero ken uelis tikchiuas? Ma tikitakan.

• ¿Tlen moneki timomachtis? Uelis timomachtis para nechikolmej. Okachi mitspaleuis tla tiktemos tlen amo otikajsikamatki tlen motlajtoltia itech Biblia sejse semana. Noijki sekimej okachi momachtiaj profecías, ken uelis techpaleuis espíritu santo ma tikpiakan kuali toyelis, ijkuak tlatitlanil Pablo uejka otetlapouito noso oksekimej momachtiaj itech nochi tlen Jehová okichijchi. Tla ualeua itlaj timotlajtlania itech Biblia, xikijkuilo uan satepan itech ximomachti.

• ¿Kanin uelis titlatemos? Mitspaleuis video Tlamantli tlen techpaleuis ma timomachtikan iTlajtol toTajtsin Dios. Para tikmatis ken timomachtis, xiktemo tlen uejueyij altepemej kinneskayotiaj yolkamej temomojtijkej tlen ijkuilitokej itech amochtli Daniel, tlakotonal 7.

• ¿Moneki niuejkauas nimomachtis? Para tikpiaskej chikauak totlaneltokilis moneki nochipa timomachtiskej. Achto uelis san tepitsin timomachtis uan satepan uelis okachi tiuejkauas. Timomachtiskej iTlajtol Jehová yetoskia ken ijkuak ikaj tlachkua para kajsis tlamantli tlen miak ipati: ijkuak okachi kajsi, okachi tlachkua (Prov. 2:3-6). Tla noijki ijkon timomachtiskej Biblia, okachi techpaktis uan nochipa tiknekiskej timomachtiskej (1 Ped. 2:2).

¿TLEN KINESKAYOTIAJ YOLKAMEJ TEMOMOJTIJKEJ TLEN IJKUILITOKEJ ITECH AMOCHTLI DANIEL TLAKOTONAL 7?

• 

  Dan. 7:4

• 

  Dan. 7:5

• 

  Dan. 7:6

• 

  Dan. 7:7

OKSE TLAJTLANILISTLI:

¿Ken omochi tlen kijtoa Daniel 7:8, 24?

OKSE TONAL UELIS TIMOMACHTIS:

¿Tlen kineskayotiaj yolkamej temomojtijkej tlen ijkuilitokej itech Apocalipsis tlakotonal 13?