Amo ximoouijtili ika redes sociales

¿TLEKA MIAK IPATI? Redes sociales uelis mitspaleuiskej noso mitsijtlakoskej. Sekimej tokniuan kitekitiltiaj para motlapouiskej iuan inkalchanejkauan uan inyolikniuan. Pero oksekimej amo kinpaktia kintekitiltiskej. Satanás kineki amo kuali ma techitakan oksekimej nion ma timouikakan iuan Jehová. Pero ijkon ken Jesús, uelis timoyekanaskej ika principios bíblicos para amo titlajtlakolchiuaskej (Luc. 4:4, 8, 12).

MITSPANOS NIN:

• Sapanoa tiuejkauas. Tla sapanoa tiuejkauas itech redes sociales uan tikitas miak tlamantli itech Internet, xamo ayakmo timajxilis timomachtis noso titetlapouis.

  Principios bíblicos: Efes. 5:15, 16; Filip. 1:10

• Uelis tikitas tlen amo kuali. Tla peuas tikitas tlen amo kuali, satepan uelis tikitas pornografía noso tiauilnemis. Tla tiktlajtoltis tlen kitlaliaj akinmej yomoxelojkej itech Jehová, ayakmo tikpias chikauak motlaneltokilis.

  Principios bíblicos: Mat. 5:28; Filip. 4:8

• Uelis tiktlalis tlen amo kuali. Toyolo techkajkayaua, ik non, xamo tiknekis tikijkuilos tlen amo kuali noso tiktlalis se foto tlen pitsotik. Pero tla ijkon tikchiuas, oksekimej ayakmo kuali mitsitaskej noso ayakmo kipiaskej chikauak intlaneltokilis.

  Principios bíblicos: Rom. 14:13; Efes. 4:29

IJKUAK YOTIKITAK VIDEO XIMOMALUI IJKUAK TIKINTEKITILTIA REDES SOCIALES, XIMOKUAYEJYEKO TLEN TIKCHIUAS UAN IJKON AMO MITSPANOS NIN: