11 Xitekipano

¿TLEN KIJTOSNEKI?

Amo ma mitstlatsiuiti tekitl. Akin kipaktia tekipanos kipia tlen ika mopanoltis uan kichiua iteki maski inmixpan oksekimej amo miak ipati.

¿TLEKA MIAK IPATI?

Tinochtin moneki itlaj tikchiuaskej. Miakej amo kinpaktia tekipanoskej pero mitspaleuis tla titekipanos (Eclesiastés 3:13).

Se telpochtli tlen itoka Reyon okijto: “Kuali nimomachilia ijkuak nitekipanoua, ik non, nechpaktia kuali nikchiuas noteki. Uan noijki akinmej kinpaktia tekipanoskej, okachi kintlakeuaj”.

PRINCIPIO BÍBLICO: “Tla chikauak titekitis, itlaj tikmotlanilis” (Proverbios 14:23).

¿TLEN UELIS TIKCHIUAS?

Ma tikitakan tlen mitspaleuis ma mitspakti titekipanos.

Kuali xikchiua moteki. Ijkuak titekipanoua, tikchiua motarea noso titlapaleuia mokalijtik, kuali xikchiua. Tla yitikmati ken tikchiuas se tekitl, axkan xikita ken tikchiuas okachi kuali uan okachi totoka. Okachi mitspaktis moteki ijkuak okachi kuali tikchiuas.

PRINCIPIO BÍBLICO: “¿Yotikitak se tlakatl tlen kimati tekitis? Yetos inmixpan uejueyij tekiuajkej uan amo yetos ixpan san akin” (Proverbios 22:29).

Ximokuayejyeko ken uelis tikinpaleuis oksekimej. Xikita ken kinpaleuia oksekimej tlen te tikchiua. Ijkuak titlachipaua noso itlaj tikchiua mokalijtik, tikinpaleuia oksekimej amo sapanoua ma sotlauakan.

PRINCIPIO BÍBLICO: “Okachi yolpaki akin itlaj kitemaka uan amo ijkuak itlaj kiselia” (Hechos 20:35, TNM).

Ximochijchikaua xitekipano. Amo san xikchiua tlen mitsnauatiaj, okachi xitekipano. Xikchiua porque te ijkon tikneki, amo porque ikaj mitschiualtia (Mateo 5:41).

PRINCIPIO BÍBLICO: “Amo xikchiwa san por nimitsnawatia yej makisa itech moyolo” (Filemón 14).

Amo san xitekipanojto. Amo san xitekipanojto. Mitspaktis titekipanos amo kijtosneki nochipa san titekipanojtos. Noijki moneki timoseuis.

PRINCIPIO BÍBLICO: “Okachi kuali tepitsin ma timoseuikan uan amo sapanoua ma titekipanokan porque yetoskia ken tiktokaj ejekatl” (Eclesiastés 4:6).