Biblia ok techpaleuia maski yiuejkika omoijkuilo
Miakej kitlakaitaj Biblia porque iTlajtol toTajtsin Dios. Pero Biblia amo san techtlapouia itech toTajtsin Dios. Noijki techpaleuia kuali ma tiyetokan.
Sekimej kijtoaj ken yokinpaleui tlen kijtoa Biblia ijkuak kichiuaj tlen kijtoa.
Fiona okijto: “Axkan okachi kuali nimomachilia, nimoyolchikaua uan amo san nimotekipachoa. Axkan nikita tlen kuali nechpanoa”.
Gnitko okijto: “Biblia nechpaleuia kuali ma niyeto”.
Andrew okijto: “Axkan okachi niyolpaki. Ayakmo okachi nitekipanoa uan okachi nika iuan akinmej nichanti”.
Miakej noijki ijkon kijtoaj. Sapanoa miakej momachtiaj Biblia uan kijtoaj nochi tlen ompa ijkuilitok kinpaleuia kuali ma yetokan.
Ma tikitakan ken techpaleuis Biblia:
Amo ma timokokokan
Ma tiyolpakikan
Ma timouikakan iuan oksekimej
Amo ma tikajauilmatikan tomin
Ma titlaneltokakan
Okseki tlamachtilmej techititiskej Biblia iTlajtol toTajtsin Dios uan techpaleuia kuali ma tiyetokan.