Ma titlaneltokakan
Itech achto tlamachtil otikitakej miakej kitlakaitaj Biblia porque iTlajtol toTajtsin Dios. Porque okachi mouikaj iuan toTajtsin Dios uan kajsikamatij tleka tiyoltokej ijkuak kitlajtoltiaj Biblia uan kichiuaj tlen kijtoa.
Biblia kijtoa akin tlaneltoka kiteititia ika tlen kichiua itech inemilis (Judas 18, 19). Akinmej amo kinekij ma kinyekana toTajtsin Dios kichiuaj tlen san yejuan mokuayejyekoaj. Pero akinmej kikauiliaj ma kinyekana kipatioitaj tlen ye kinnauatia (Efesios 5:1, TNM).
MA TIMOKUAYEJYEKOKAN SATEPAN KUALI TIYETOSKEJ
PRINCIPIO BÍBLICO: “Tla timoyolkokoa itech tonalmej ijkuak onka tekipacholistli, amo tikpias miak chikaualistli” (Proverbios 24:10).
¿TLEN KIJTOSNEKI? Amo uelis tikixnamikiskej ouijkayotl tla timoyolkokoaj. Tla timokuayejyekoaj satepan kuali tiyetoskej, tikilnamiktoskej amo nochipa titlajyouiskej uan noijki xamo itlaj kuali techpanos maski tikixnamikij ouijkayotl.
¿TLEN UELIS TIKCHIUASKEJ? Ma timokuayejyekokan satepan kuali tiyetoskej. Amo ma techtekipacho tlen uelis panos noso amo ma tikchiakan ayakmo tikpiaskej ouijkayotl. Ma timochijchikauakan ma tikchiuakan tlen moneki maski ualeua itlaj techpanotikisa (Eclesiastés 9:11). Ualeua moyektlalia ouijkayotl maski amo ijkon otikchiayaj. Ma tikitakan tlen kijtoa Biblia ijkuak ikaj toka: “Kualkan xiktoka xinachtli uan hasta tiotlak amo ximoseui; porque amo tikmati kanin ixuas, nikan noso nepa noso nochi ixuas” (Eclesiastés 11:6).
UELIS TIKAJSISKEJ INTLANANKILIS TLAJTLANILMEJ TLEN OKACHI TIKNEKIJ TIKMATISKEJ
PRINCIPIO BÍBLICO: “Xikinyolchipawa ika motlajtol, motlajtol ye tlan milák” (Juan 17:17).
¿TLEN KIJTOSNEKI? Biblia technankilia nochi tlen timotlajtlaniaj. Technankilia:
¿Tleka tiyoltokej?
¿Tleka titlajyouiaj?
¿Tlen techpanoa ijkuak tiixpoliuij?
¿Ken tiyetoskej satepan?
Axkan miakej okachi yolpakij porque yokitakej Biblia kinnankilia ninmej tlajtlanilmej.
¿TLEN UELIS TIKCHIUAS? Timitsyoleuaj xikita tlen tlamachtia Biblia. Xikilui se iTlaixpantijka Jehová ma mitspaleui xikajsikamati tlen tlamachtia Biblia. Noijki uelis tikalakis itech Internet itech página jw.org noso uelis tias touan timonechikoti. Amitlaj tiktlaxtlauas nion mitstlajtlaniliskej tomin.
OKSEKI PRINCIPIOS BÍBLICOS
Xikalaki itech jw.org uan xikita video ¿Tleka moneki timomachtis Biblia? Nin video kajki ika kanaj 880 tlajtolmej.
MA TIKILNAMIKTOKAN MONEKI TECHPALEUIS TOTAJTSIN DIOS
“Tlakatl amo san ika paj yolitok, yej noiwa ika nochi tlájtoli non Dios kijtoa” (MATEO 4:4).
MA TIKIXMATIKAN TOTAJTSIN DIOS
“Xiwalmijkuanikah [ximotokikan] inawak Dios, iwa Ye mijkuanis [motokis] nomonawak” (SANTIAGO 4:8).
MA TIKTLAJTOLTIKAN BIBLIA UAN MA TIMOKUAYEJYEKOKAN TLEN TECHMACHTIA
“Yolpaki tlakatl akin [...] moyolpaktia ika itlanauatil Jehováa uan tonal uan yoak ichtakatsin kitlajtoltia itlanauatil. [...] Nochi tlen kichiuas kuali kisas” (SALMO 1:1-3).
a Biblia kijtoa toTajtsin Dios itoka Jehová.