Ma titeajsikamatikan
¿Tleka ualeua oui ijkon tikchiuaskej?
Tla san tikitaj oksekimej okse tlamantli kichiuaj, timokuayejyekoskej amo kuali tlen kichiuaj. Hasta uelis timokuayejyekoskej tejuan okachi tiueyititokej. Tla ijkon tikchiuaskej, oui tikinmajsikamatiskej oksekimej. Uan ijkon peuas titechikoitaskej.
Principio bíblico
“Xipakikah inwah akimeh pakih, iwa xichokakah inwah akimeh choka” (ROMANOS 12:15).
¿Tlen techmachtia non texto? Techititia moneki titeajsikamatiskej. Uelis tikchiuaskej tla tikitaj uan techyolkokoua tlen oksekimej kinpanoua.
¿Ken techpaleuis tla titeajsikamati?
Ijkuak tikinmajsikamatij oksekimej, tikitaj noijki techpanoua miak tlamantli ken yejuan. Tikitaj oksekimej noijki momachiliaj ken tejuan uan kichiuaj seki tlamantli ken tejuan. Ijkuak titeajsikamatij tikitaj tinochtin tipouij san itech se familia. Tla tikitaj oksekimej kichiuaj ken tejuan, amo tikinteneuaskej.
Tla titeajsikamatij, noijki titetlakaitaskej. Se siuatl tlen itoka Anne-Marie uan chanti Senegal, okinchikoitaya oksekimej tlen noijki ijkon okinchiuiliayaj. Ye okijto tlen okipaleui ma teajsikamati: “Ijkuak onikitak sapanoua otlajyouiayaj, onimokuayejyeko ken nimomachiliskia tla ijkon nechpanoskia. Onikajsikamatki ne noijki ijkon ken yejuan uan amitlaj nikchiua para nikijtos okachi nopati”. Ik non, tla tikitaj ken tlajyouiaj oksekimej, tikinmajsikamatiskej uan amo tikinteneuaskej.
¿Tlen uelis tikchiuas?
Amo san xikita tlen amo kuali kichiuaj akinmej tikinchikoita uan xikita tlen tlamantli kichiuaj ijkon ken tejuatsin. Ximokuayejyeko tlen kimachiliaj ijkuak:
Tla titeajsikamatij, tikteititiskej tinochtin tipouij itech se familia.
Tlakuaj iuan ifamilia.
Yotekipanojkej nochi se tonal.
Katej iuan akinmej mouikaj.
Kikakij tlakuikalmej tlen okachi kinpaktia.
Xikajsikamati tlen kimachiliaj. Ximotlajtlani:
¿Ken nimomachilis tla ikaj kijtos amitlaj nopati?
¿Ken nimomachilis tla ikaj nechteneuas pero amo nechixmati?
Tla ne nipouiskia iuan akinmej kinchikoitaj, ¿ken nechpaktiskia ma nechnotsakan oksekimej?