¿Tlen uelis mitspaleuis xiyolpaki?
Rania okijto: “Sapanoua nimoyolkokoua ijkuak nikita nochi tlen amo kuali panotok, guerras, miakej amitlaj kipiaj, mokokouaj uan kintlajyouiltiaj konemej. Pero nikneltoka nochi se tonal tlamis”.
Rani sapanoua oyolpakik Ijkuak okajsikamatki san toTajtsin Dios uelis techpaleuis ma tiyetokan tiixtlamatkej. Ijkuak tiktlajtoltis nin revista xikita ken uelis techpaleuis ijkin ma tiyetokan:
Ma tiyolpakikan iuan tofamilia.
Ma timouikakan iuan nochtin.
Ma tiyolpakikan ika tlen tikpiaj.
Ma tikajsikamatikan tleka titlajyouiaj iuan tiixpoliuij.
Ma tikneltokakan satepan kuali tiyetoskej.
Kuali ma tikixmatikan akin otlachijchi uan iuan ma timouikakan.
Noijki timomachtis toTajtsin Dios amo san sekimej kinmaka ixtlamatilis, kinmaka nochtin akinmej peuaj kixmatij.
a Otikpatilijkej itoka.