AXKAN PANOUA TLEN AMO KUALI

1 | Ximomalui para amo timokokos

¿TLEKA MONEKI IJKON TIKCHIUAS?

Axkan panoua tlen amo kuali, ik non, ualeua amo kuali timomachiliskej.

Miakej sapanoua motekipachouaj ijkuak kinpanoua tlen amo kuali pero tla uejkaua ijkon momachiliaj peua mokokouaj.
Ijkuak panoua itlaj amo kuali, akinmej tlapajtiaj moneki miakej kinmaluiskej noso amo onka miak pajtli.
Ualeua miakej amo kinmajxilia intomin para kikouaskej tlen kikuaskej noso tlen ika mopajtiskej.

¿Otikmatiaya?

Ijkuak ikaj sapanoua mokokoua uan motekipachoua uelis amo kuali kipejpenas tlen ika mopajtis. Non kichiuas okachi mamokoko.
Tla amo timopajtia, okachi timokokos uan xamo uelis tiixpoliuis.
Tla amo timokokoua, okachi kuali tikpejpenas tlen tikchiuas ijkuak itlaj mitspanotos.
Maski tikpia tomin noso amo, uelis tikchiuas seki tlamantli para amo timokokos.

¿Tlen uelis tikchiuas?

Akin ixtlamatki nochipa kita tlen uelis panos, ik non, momaluia. Tla amo tikneki sapanoua timokokos, moneki tiyetos tichipauak. Okachi kuali ximomalui uan ijkon amo tikitati tepajti.

“Tejuan timochijchikauaj tiyetoskej tichipauakej uan noijki tokalijtik, ijkon amo okachi tikitatiuij tepajti nion amo okachi tikkouaj pajtli” (Andreas).a

a Itech nin tlamachtil sekimej otikinpatilijkej intoka.

¿TLEN MITSPALEUIS? Nikan kijtoua seki tlamantli

Tla amo tikneki timokokos, xikchiua tlen nikan ijkuilitok

XIYETO TICHIPAUAK

Xiyeto tichipauak

Biblia kijtoua: “Akin ixtlamatki kita ouijkayotl uan motlatia” (Proverbios 22:3). Amo xinemi kanin uelis itlaj mitspanos.

Nochipa ximomajteki ika atl uan xapo, ijkuak ayamo titlakualchiua uan ijkuak yotia baño.
Xitlachipaua mokalijtik uan xikchipaua tlen nochipa tikitskia.
Amo xiyeto innauak akinmej mokokouaj.

XIKKUA TLEN MITSPALEUIS

Xikkua tlen mitspaleuis

Biblia kijtoua: “Amaka kikokolia ikuerpo, yej kimalwia iwa kitlakualtia” (Efesios 5:29). Tikmaluiaj totlalnakayo ijkuak tikkuaj tlen techpaleuis.

Xikoni miak atl.
Xikkua tlatlamantli tlakilotl uan verduras.
Amo xikkua miak istatl, miak chiauak nion amo xiktlalili miak azúcar tlen tikonis.
Amo xitlachichina, amo xikmotlalili drogas nion sapanoua xikoni alcohol.

“Para amo timokokoskej tikkuaj tlen techpaleuis, ijkon amo tiktlamiskej totomin ijkuak tikitatiuij se tepajti. Ik non, tikkuaj tlen techpaleuis para kuali matiyetokan” (Carlos).

XIKCHIUA EJERCICIO UAN KUALI XIMOSEUI

Xikchiua ejercicio

Biblia kijtoua: “Okachi kuali tepitsin ma timoseuikan uan amo sapanoua ma titekipanokan porque yetoskia ken tiktokaj ejekatl” (Eclesiastés 4:6). Moneki titekipanoskej pero noijki moneki timoseuiskej.

Xikchiua ejercicio. Uelis peuas tinejnemiti mojmostla. Tla tikchiua ejercicio, mitspaleuis maski yitikpia miak xiuitl noso sapanoua timokokoua.
Kuali ximoseui

Kuali ximoseui. Tla amo kuali tikochi, san timotekipachojtos uan amo uelis timokuayejyekos ken moneki uan satepan uelis sapanoua timokokos.
Xiktlali se horario para timoseuiti uan ijkon xikchiua. Amo xikpatla hora ijkuak timoseuis uan timeuas.
Amo xikita televisión nion xikinmita dispositivos electrónicos ijkuak yitikochis.
Ijkuak yitikochis, amo sapanoua xitlakua, amo xikoni tlen kipia cafeína uan alcohol.

“Tla amo kuali nikochi amo kuali nimomachilia. Nechkokoua notsonteko, nochi nechkokoua. Pero ijkuak kuali nikochi, kuali nimomachilia uan amo okachi nimokokoua” (Justin).