Tlakuikali 10
“¡Nikan nika ne! ¡Xinechtitlani ne!”
(Isaías 6:8)
1. Kisokiotiaj tlakamej
itoka Dios tlen chipauak;
kijtoaj amo yolkuali
uan itech mach tlaneltokaj.
“¿Akin yas nechueyichiuas
uan notoka kichipauas?”
“¡Nikan nika! Techtitlani.
Motoka nikchipauas ne.
(ESTRIBILLO)
Nin se ueyi tlateochiualis.
Ne nias, techtitlani.”
2. Tlakamej kijtoaj toDios
uejkaua, mach tetlasojtlaj;
mach kitlakamatij Jehová,
san dioses kinueyichiuaj.
“¿Akin yas uan kuali kijtos
yiuits iueyi tonal Dios?”
“¡Nikan nika! Techtitlani.
Nitlaixpantis kuali ne.
(ESTRIBILLO)
Nin se ueyi tlateochiualis.
Ne nias, techtitlani.”
3. Yolkualmej moyolkokoaj,
kitaj miak ouijkayotl;
uan ika nochi inyolo
kinekij tlen kinyolseuis.
“¿Akin kinmachtis yolkualmej
itech nin kuali tlajtolmej?”
“¡Nikan nika! Techtitlani.
Nikinpaleuis nochtin ne.
(ESTRIBILLO)
Nin se ueyi tlateochiualis.
Ne nias, techtitlani.”
(Noijki xikita Sal. 10:4; Ezeq. 9:4.)