¿Ken uelis yolpakiskej kalchanejkej?

Tlasojtlalistli kichiua kalchanejkej ma yolpakikan (Efesios 5:​33)

Itlanauatil toTajtsin Dios kijtoa itech namiktilistli moneki yetos san se tlakatl uan san se siuatl.

Se tlakatl akin yolkuali kitlasojtla isiua uan kajsikamati tlen kimachilia.

Siuatl moneki kipaleuis inamik.

Konemej moneki kintlakamatiskej intatajuan.

Xikchiua tlen kuali uan xiyeto iuan monamik, amo xitetlajyouilti nion ximomekati (Colosenses 3:​5, 8-​10)

Biblia kijtoa tlakatl moneki kitlasojtlas isiua ijkon ken ye motlasojtla, uan siuatl moneki kitlakaitas inamik.

Se tlakatl uan se siuatl amo uelis motekaskej san sekan tla ayamo monamiktiaj, pampa nin se tlajtlakoli. Noijki tlajtlakoli kipiaskej miakej innamik.

Biblia kinmachtia kalchanejkej tlen moneki kichiuaskej pampa ma yolpakikan.