TLAMACHTIL 8

Xitlamachti ika neskayomej

Mateo 13:34, 35

XIKILNAMIKTO: Xitlamachti ika neskayomej para kinpaktis uan ijkon kilnamikiskej tlen okachi ipati.

Xikintekitilti neskayomej tlen amo oui. Xitlamachti ken Jesús. Ye okintekitilti tsikitsitsintin neskayomej ijkuak otlajtoaya itech itlaj sapanoa ueyi. Noijki okintekitilti neskayomej tlen amo oui ijkuak otlamachtiaya itlaj oui. Ik non, tla tikintekitiltis neskayomej amo xikajxitili tlen amo moneki. Xikita kox melauak kinpaleuis ma kajsikamatikan tlen tikinmachtis.

Noijki mitspaleuis tla timomachtis amatlajkuilolmej uan noijki tla tikinkakis tokniuan tlen kuali tlamachtiaj. Noijki xikinmijkuilo neskayomej tlen kintekitiltiaj tokniuan tlen kuali tlamachtiaj.
Ximokuayejyeko ken kinpaleuis tlen nanmomachtiskej. Xikintekitilti neskayomej tlen yikinmixmatij. Amo xikinmilui neskayomej tlen kinpinatis noso kinyolkokos.
Xikinmachti tlen okachi ipati. Xikintekitilti neskayomej uan ijkon titlamachtis tlen okachi ipati. Noijki xikita ma kilnamiktokan tlen onanmomachtijkej uan amo san neskayotl ma kilnamiktokan.