TLAMACHTIL 12
Xikteititi titetlasojtla uan titeajsikamati
1 Tesalonicenses 2:7, 8
XIKILNAMIKTO: Ma kitakan tikintlasojtla akinmej tikinmachtis uan ma mota tikneki tikinpaleuis.
¿KEN MONEKI TIKCHIUAS?
Ximotekipacho itech akinmej mitskakiskej. Ijkuak timomachtis, ximokuayejyeko tlen ouijkayotl kixnamikij akinmej tikinmachtis uan ken momachiliaj.
Ximokuayejyeko ken tikintlapouis. Xikinyolchikaua akinmej tikinmachtis uan noijki xikinyolseui. Amo xikijto tlajtoli tlen teyolkoko uan amo xikinpinaui akinmej amo kitekichiuiliaj Jehová uan tlen kineltokaj.
Xikteititi mitstekipachoaj akinmej tikinmachtis. Tikteititis ijkon tikchiua tla kualtsin tikintlapouis uan ijkuak tikinmolinis momauan. Noijki xiixuetska ijkuak itlaj tikijtos.