Moneki tikmatis

ACOMODADORES Yejuan mitspaleuiskej. Timitstlatlaujtiaj xikintlakamati ijkuak mitsiluiskej kanin uelis tikkauas mocarro, kanin monekis tias, kanin uelis timotlalis uan okseki tlamantli.

AKINMEJ MOAPOLAKTISKEJ Akinmej moapolaktiskej tlaixpan kinxeliliskej kanin motlaliskej, akinmej amo moapolaktiskej uelis ompa motlaliskej tla kinmiluiaj uelis ompa motlaliskej. Nochtin akinmej moapolaktiskej moneki ompa yetoskej ijkuak ayamo peua tlamachtil tlen kinmakaskej sábado kualkan. Nochtin moneki kiuikaskej tlen ika mouatsaskej. Amo makiuikakan intlaken tlen tlatlajkuilitok noso itlaj tlen amo uelis kipias akin kichiua ken Cristo.

UELIS TIKTEMAKAS TOMIN IKA NOCHI MOYOLO Moneki miak tomin para kuali yetos kanin timotlaliskej, kuali tikkakiskej tlen techiluiskej, tikinmitaskej videos uan okseki tlamantli tlen techpaleuia kuali matimomachtikan uan ijkon okachi kuali timouikaskej iuan Jehová. Tomin tlen tiktemakaj ika nochi toyolo tlapaleuia mamotlaxtlaua nochi non uan noijki tlapaleuia mamotetlapoui. Kanin mochiua ueyi nechikol katej seki cajas kanin uelis tiktemakas tomin ika nochi moyolo. Uelis tiktemakas tomin itech Internet, itech donate.jw.org. Tlasojkamati porque nantlapaleuiaj. Noijki Cuerpo Gobernante namechtlasojkamatilia porque nankipaleuiaj iTekiuajkayo toTajtsin Dios

KANIN TLAPAJTIAJ Xikilnamikto ompa uelis yaskej san akinmej itlaj mochiuaj.

TLA ITLAJ ONANKIPOLOJKEJ NOSO ONANKAJSIKEJ Tla itlaj onankajsikej, moneki ompa nankikauatiuij noso tla itlaj onankipolojkej, ompa xiktemokan. Noijki konemej tlen omixpolojkej ompa xikinkauatij. Pero para amo tinochtin timotekipachoskej, xikinmaluikan namokoneuan uan amo inselti xikinkauakan

KANIN TIMOTLALIS Timitstlatlaujtiaj ximokuayejyeko intech oksekimej. Xikilnamikto uelis tikxelos kanin timotlalis uan uelis tikinxelilis kanin motlaliskej akinmej chantij mouan noso akinmej tikinmachtijtok ika Biblia. Amo itlaj xiktlali itech sillas tla amo ompa nanmotlaliskej.

AKINMEJ KINEKIJ TLAPALEUISKEJ Ompa uelis tias tla tikneki titlapaleuis itech ueyi nechikol regional.