TLAJTLANILMEJ ITECH BIBLIA

¿Se tonal ayakmo yetos apistli?

Se siuatl kipia se taza uan kinapalojtok se takotsin — ¿Ken kitlajtlamis toTajtsin Dios apistli itech nochi tlaltikpak? (Mateo 6:9, 10).

Nochi xiuitl mikij sapanoa miakej tlaltikpaktlakamej pampa amo kipiaj tlen kikuaskej, mokokoaj uan amo kipiaj tomin pampa mopajtiskej. Maski itech miakej uejueyij altepemej kipiaj miak tomin, miakej tlaltikpaktlakamej amo kipiaj nion tlen ika mopanoltiskej. Biblia kijtoa apistli nochipa onka. (Xiktlajtolti Juan 12:8.)

Pampa ayakmo yetos apistli, moneki se tekiuajkayotl. Nin Tekiuajkayotl moneki ma kixexelo tlakuali itech nochi Tlaltikpak uan ma kintlajtlami guerras, pampa guerras kichiua ma yeto apistli. Nin Tekiuajkayotl san toTajtsin Dios uelis techmakas. (Xiktlajtolti Daniel 2:44.)

¿Akin uelis kitlajtlamis apistli?

ToTajtsin Dios yokitlali iKone ken ueyi tekiua pampa ualtlanauatis nikan Tlaltikpak (Salmo 2:4-8). ToTeko Jesús kinpaleuis akinmej amo itlaj kipiaj uan kitlajtlamis ouijkayotl uan guerras. (Xiktlajtolti Salmo 72:8, 12-14.)

Jesucristo, ye “Tekiua tlen kitemaka Yolseuilistli”, ik non, ye kitlalis yolseuilistli nikan Tlaltikpak ijkon kuali tiyetoskej. Ijkuakon, tinochtin tikpiaskej tokalijtik, se kuali tekitl uan miak tlakuali. (Xiktlajtolti Isaías 9:6, 7; 65:21-23.)

Tla tikneki tikmatis okachi, xikita nin amochtli itech tlamachtil 8, ¿Tlen melauak tlamachtia Biblia?, tlen kichijchiuaj iTlaixpantijkauan Jehová

Noijki uelis tikkixtis itech www.jw.org/ncx