¿Otikmatiaya?

¿Omonekiaya kintokayotiskej “ichtekeh” akinmej okinnemakayaj yolkamej itech teokali Jerusalén?

ITECH Mateo kijtoa: “Jesús okwalinkixti n tlasemankeh itech Weyi Tiopa Jesús okalak kan Weyi Tiopa iwa okinkixti nochteh non otlakojtokah iwa non otlanamakatokah. Okinxitronkopili inmesajwah non okipatlayah tomi, iwa non okinnamakayah palomajtsitsinteh. Iwa okinmili: Itech itlajkuilol Dios kijtoa: ‘Nocha kinotsaskeh kali kan motiotsajtsiliah’. Pero nomejwah yononkikopkeh se kali kan motlaatiah ichtekeh” (Mat. 21:12, 13).

Akinmej momachtiaj tlen yiuejkika opanok, kijtoaj akinmej otlanemakayaj itech teokali sapanoa patio otlanemakayaj. Misná kijtoa (Keritot 1:7), kanaj itlajkotia siglo, ome palomas inpati okatka se denario de oro. Nin ipati tlen se tlakeuali amo okachi okimatiaya ken tekitis uan okitlaniaya itech veinticinco tonalmej. Tlanauatil okijtoaya akinmej amo kipiaj tomin uelis kintemakaskiaj palomajkonemej noso palomas ken se tlamanali, pero ken sapanoa okatkaj patiojkej ayakmo uelij okinkoayaj (Lev. 1:14; 5:7; 12:6-8). Se tlamachti itoka Simeón ben Gamaliel okiyolkoko tlen okichijtokaj, ik non, okinmilui ayakmo miak ma kitemakakan tlamanali. Uan satepan inpati ome palomas otemok.

Ken otikitakej, Jesús okintokayoti “ichtekeh” akinmej otlanemakayaj itech teokali porque otlaixnekiayaj.