¿Tlen uelis tiktliokoliskej Jehová?

Se tonal Jesús okijto: “Okachi yolpaki akin itlaj kitemaka uan amo ijkuak itlaj kiselia” (Hech. 20:35, TNM). Nin tlamantli melauak tikchiuaj ijkuak timouikaj iuan Jehová. ¿Tleka ijkon tikijtoaj? Ye techmaka miak tlamantli uan ijkon tiyolpakij. Pero okachi tiyolpakiskej tla tikmakaskej tlen tikpiaj. ¿Ken uelis tikmakaskej tlen tikpiaj? Proverbios 3:9 kijtoa: “Xikueyichiua Jehová ika tlamantli miak ipati tlen tikpia”. Nin kijtosneki ijkuak timajxiliaj okachi tiktekichiuiliskej Jehová, tikmatij itlaj tikchiuaskej, tlen tikpiaj uan tochikaualis. Tla tikchiuaj nin tlamantli, tikueyichiuaj Jehová uan tiyolpakij porque yetoskia ken itlaj tiktliokoliaj.

¿Tlen techpaleuis nochipa ma tikmakakan Jehová tlen tikpiaj? Tlatitlanil Pablo okijto ma tikxelokan totomintsin (1 Cor. 16:2). Xikita recuadro tlen kajki tlakxitlan tla tikneki tikmatis ken tiktemakas tomin.

Itech seki altepemej amo uelis tiktemakaskej tomin itech Internet. Pero itech donate.jw.org, kijtoa ken uelis tiktemakaskej tomin. Itech seki altepemej nin página kipia se amatl anin kijtoa ken tiktemakaskej tomin ika nochi toyolo.