Ijkuak tikilnamikiskej iCena toTeko uelis titetlasojkamatiskej

1. ¿Tlen uelis tikchiuaskej ijkuak tikilnamikiskej iCena toTeko?

¹ Itech tonal 14, metstli abril tikilnamikiskej iCena toTeko uan uelis okachi tiktlasojkamatiliskej Jehová akin sapanoa yolkuali. Tlen kijtoa Lucas 17:11-18 techititia ken kitaj Jehová uan Jesús tlasojkamatilistli. Pero itech majtlaktli tlakamej tlen okipiayaj lepra uan okinpajti san se okitlasojkamatili. Satepan, tlaxtlauili kikachiuas nochi tlamantli tlen amo kuali uan yolilistli tlen amo keman tlamis melauak mochiuas. Melauak itech non tonalmej mojmostla tiktlasojkamatiliskej Jehová pampa nochi tlateochiualismej. Pero, ¿ken uelis tiktlasojkamatiliskej itech ninmej tonalmej?

2. ¿Ken uelis okachi titetlasojkamatiskej tlaxtlauili?

² Xitetlasojkamati. Uelis titetlasojkamatiskej tla ijkon timokuayejyekoaj. Pampa uelis okachi tiktlasojkamatiskej tlaxtlauili, moneki ma tiktlajtoltikan tlen opanok itech tonalmej ijkuak okimiktijkej Jesús, uan nin uelis tikajsiskej itech calendario itech nin xiuitl noso itech Examinando las Escrituras diariamente. ¿Tleka amo nankitlajtoltiaj ken kalchanejke? Tla tikchiuaj okachi tiktlasojkamatiskej tlaxtlauili. Uan nin kichiuas kuali ma tikpiakan tonemilis (2 Cor. 5:14, 15; 1 Juan 4:11).

3. ¿Ken uelis tikteititiskej titetlasojkamatij ijkuak tikilnamikiskej iCena toTeko?

³ Xikteititi tiktlasojkamatilia. Tlasojkamatilistli moteititia ika tlen tikchiuaj (Col. 3:15). Tlakatl akin okipiaya lepra omochijchika pampa kitemos Jesús uan kitlasojkamatilis. Uan uelis ika miak yolpakilistli okintlapoui ken Jesús okipajti (Luc. 6:45). ¿Amo melauak tla tiktlasojkamatiliaj tlaxtlauili non techyolinis oksekimej ma tikinyoleuakan ma kilnamikikan iCena toTeko? Uan uelis tiktlasojkamatiliskej tla titekitij ken precursor auxiliar noso tla okachi titetlapouiaj ijkuak moilnamiki iCena toTeko. Itech tonal ijkuak tikilnamikiskej iCena toTeko tlasojkamatilistli kichiuas ma tikinselikan akinmej yaskej uan ma tikinpaleuikan ika tlen techtlajtlaniaj.

4. ¿Tlen uelis tikchiuaskej pampa amo ma timoyolkokokan?

⁴ ¿San itech nin xiuitl tikilnamikiskej iCena toTeko? (1 Cor. 11:26.) Amo tikmatij. Pero kema tikmatij itech ninmej tonalmej uelis tiktlasojkamatiliskej. ¿Tikchiuas? Uelis totlajtoluan uan tlen timokuayejyekoaj kichiuas ma tiktlasojkamatilikan Jehová tlaxtlauili tlen otechmakak (Sal. 19:14).