Pampa okachi kuali titetlapouiskej: xikteititi timotekipachoa intech tlaltikpaktlakamej

Tleka miak ipati. Jesús omotekipachoaya itech sejse tlaltikpaktlakamej. Se tonal okipajtito se tlakatl tlen amo otlakakiaya, uelis okitak omomojtiaya, ik non, okiuikak oksekan kanin amo uelis kitaskiaj (Mar. 7:31-35). Noijki, okinmajsikamatiaya imachtijkauan uan amo okintlapouiaya sapanoa miak tlamantli, pampa okimatiaya amo nochi uelis kajsikamatiskiaj (Juan 16:12). Axkan, Jesús noijki motekipachoa intech tlaltikpaktlakamej, maski kajki iluikak (2 Tim. 4:17). Akinmej tikchiuaj ken Cristo timochijchikauaj pampa tikchiuaskej ken ye (1 Ped. 2:21; 1 Juan 3:16, 18). Pampa uelis mitskakiskej, moneki tikinmajsikamatis, tikmatos tlen kinpanoa, kipatioitaj uan kintekipachoa. Ijkon okachi kinekiskej mitskakiskej tla kitaj melauak intech timotekipachoa, uan amo san pampa tikinmatiltis kuali tlajtolmej noso tikinmakas amatlajkuilolmej.