Ken uelis titetlapouiskej

Akin Tetlapouijtok 1 de febrero

“Tikinmakatokej nin amatsintli nochtin tlaltikpaktlakamej. Kiyekijtoa ken techpaleuia Biblia. Nin moaxka. [Xikmaka amatsintli ¿Tlen kijtosneki Biblia pampa tejuatsin?] Ualeua uelis timotlajtlania kox uelis mitspaleuis tlen kijtoa Biblia itech moteki. Xikita tlen kijtoa nin tlaxelol itech tekitl. [Xiktlajtolti Eclesiastés 3:13.] Nin revista kipia seki principios bíblicos tlen uelis techpaleuis okachi ma tiyolpakikan itech toteki. ¿Mitspaktiskia tiktlajtoltis?”

¡Despertad! Febrero

“Tikintlajpalojtokej tlaltikpaktlakamej pampa tikinmakaskej revista ¡Despertad! tlen okachi yankuik. Kinankilia se tlajtlanilistli tlen miak ipati. [Xikititi kanin peua.] ¿Tlen timokuayejyekoa itech nin tlamantli tlen kijtoa nin revista? [Xiktlajtolti Proverbios 29:11.] ¿Tikneltoka ok techpaleuia nin principio bíblico? [Xikkaua ma tlanankili.] Nin revista kijtoa naui principios bíblicos uan techyekiluia ken uelis techpaleuiskej tla ika timoyekanaj.”

Noamoch tlen nechtlapouia itech Biblia

“Tinochtin tiknekij ma yolpakikan uan kuali ma yetokan tokoneuan ijkuak moskaltiskej. Tlen tikijtoa, ¿ken uelis tikinpaleuiskej pampa kuali ma yetokan? [Xikkaua ma tlanankili.] Nikneki nimitsititis tlen kijtoa Biblia itech nin. [Xiktlajtolti Salmo 1:1-3.] Ne yonikitak Biblia techpaleuia ma tiyolpakikan uan kuali ma tiyetokan. Nin amochtli tlen itoka Noamoch tlen nechtlapouia itech Biblia, techpaleuia ma tikinmachtikan tokoneuan ken iTlajtol toTajtsin Dios kinpaleuis uan ken uelis mokauas nin ipan inyolo uan inkuayejyekol. Nin amochtli moaxka uan noijki pampa mokoneuan.”