Ninmej tlajtolmej moneki yetos ipan moyolo

Tetajmej katej ken tlajpixkej. Moneki kinmaluiskej inkoneuan pampa amo ma mopolokan uan amo itlaj ma kinpano (Prov. 27:23). ¿Ken uelis kichiuaskej tetajmej nin tekitl? Moneki mochijchikauaskej pampa motlapouiskej iuan inkoneuan uan ijkon kimatiskej tlen mokuayejyekoaj uan tlen kipiaj itech inyolo (Prov. 20:5). Ijkon, tetajmej uelis kichikauaskej intlaneltokilis inkoneuan pampa amo itlaj ma kinpano (1 Cor. 3: 10-15). Video Ninmej tlajtolmej moneki yetos ipan moyolo sapanoa miak ipati pampa tiktekitiltiskej itech Yoak ijkuak Kalchanejke Kiueyichiua Jehová. San sekan xikitakan ken kalchanejke uan xikinnankilikan ninmej tlajtlanilmej.

1) ¿Tleka ikalchanejkauan Tomás amo okachi okipatioitayaj tlamantli espiritual? 2) ¿Tleka tokni Tomás amo ueli omomachti iuan ikalchanejkauan? 3) Ijkon ken kijtoa Biblia, ¿tlen tlamantli kinpaleuis tetajmej pampa kinmachtiskej inkoneuan? (Deut. 6:6, 7.) 4) ¿Tlen uelis tikchiuaskej pampa kuali timotlapouiskej iuan tokalchanejkauan? 5) ¿Tlen moneki ayakmo kichiuaskej tetajmej pampa kitaskej tlen kinpoloa inkoneuan? 6) Mario uan isiua, ¿ken okinpaleuijkej ikalchanejkauan Tomás? (Prov. 27:17.) 7) Tla kineki teta kuali ma momachtikan, ¿ken moneki moyektlalis? 8) ¿Tlen okichi tokni Tomás pampa nochi kuali ma yeto itech ikalchanejkauan? 9) ¿Tleka moneki ma timomachtikan iuan tokalchanejkauan? (Efes. 6:4.) 10) Xikijtokan tlen uelis nanmomachtiskej itech Yoak ijkuak Kalchanejke Kiueyichiua Jehová. 11) Ijkuak Tomás okilui itelpoch tleka moneki kichiuas tlen kuali, ¿tleka okitlapoui chikauak uan amo okualanki? (Jer. 17:9.) 12) Tomás uan Mónica, ¿ken okipaleuijkej inmichpoch pampa ayakmo ma nemi iuan Justin? (Mar. 12:30; 2 Tim. 2:22.) 13) ¿Ken okiteititijkej tlaneltokaj itech Jehová Tomás uan Mónica ijkuak okipejpenkej ayakmo okachi tekitiskej? (Mat. 6:33.) 14) ¿Ken kinpaleuis nin video tetajmej pampa kichikauaskej intlaneltokilis inkalchanejkauan? (1 Tim. 5:8.) 15) ¿Tlen moneki kichiuaskej tetajmej?

PAMPA TETAJMEJ: Ijkuak okiski nin tlamauisol itech ueyi nechikol regional itech xiuitl 2011, ¿omitspaleui pampa okachi kuali xikchiua Yoak ijkuak Kalchanejke Kiueyichiua Jehová? ¿Tlen moneki tikyektlalis? Ximochijchikaua okachi timoyektlalis pampa momakixtiskej mokalchanejkauan (Efes. 5:15-17).